सन २०२३-२४ यावर्षी घेण्यात आलेल्या ३४व्या महाराष्ट्र राज्य मराठी व्यावसायिक नाट्य स्पर्धेच्या अंतिम फेरीसाठी माझ्या बायकोचा नवरा, मर्डरवाले कुलकर्णी यांच्यासह दहा नाटकांची निवड करण्यात आली आहे.
सन २०२३-२४ यावर्षी घेण्यात आलेल्या ३४व्या महाराष्ट्र राज्य मराठी व्यावसायिक नाट्य स्पर्धेच्या प्राथमिक फेरीच्या निकालाची घोषणा सांस्कृतिक कार्य संचालक बिभीषण चवरे यांनी एका प्रसिध्दीपत्रकाद्वारे केली आहे. या स्पर्धेत एकूण २४ व्यावसायिक नाट्यसंस्थांनी प्रयोग सादर केले. या स्पर्धेच्या अंतिम फेरीसाठी खालीलप्रमाणे दहा नाटकांची निवड करण्यात आलेली आहे.
गालिब (मल्हार), माझ्या बायकोचा नवरा (भद्रकाली प्रॉडक्शन), जन्मवारी (सेवन स्टुडिओज आर्ट), चाणक्य (अभिजात क्रिएशन्स), 217 पद्मिनी धाम (प्रग्यास किएशन्स), जर तर ची गोष्ट (सोनल प्रॉडक्शन्स), मी नथुराम गोडसे बोलतोय (माऊली प्रॉडकशन्स), अस्तित्त्व (भरत जाधव एंटरटेनमेंट), मर्डरवाले कुलकर्णी (अष्टविनायक), यदा कदाचित रिटन्स (भूमिका व सोहम).
स्पर्धेसाठी परीक्षक म्हणून प्रकाश निमकर, विजय टाकळे आणि प्रसाद ठोसर यांनी काम पाहिले. या स्पर्धेची अंतिम फेरी लवकरच आयोजित करण्यात येणार आहे.
