मुंबई डिस्ट्रिक्ट कॅरम असोसिएशन आयोजित व सेंट्रल रेल्वे इन्स्टिटयूट दादर यांच्या सहयोगाने सेंट्रल रेल्वे इन्स्टिट्यूट दादर येथे झालेल्या ३२व्या जुनियर मुंबई जिल्हा अजिंक्यपद कॅरम स्पर्धेत अंतिम सामन्यात ए. के. एफ.च्या कौस्तुभ जागुष्टेने ए. के. एफ.च्याच महम्मद नावेद शेखचा १७-११, १८-० असा पराभव करत मुलांच्या १८ वर्षांखालील गटाचे विजेतेपद पटकाविले.
२१ वर्षांखालील मुलांच्या गटात अंतिम फेरीत ए. के. एफ.च्या फैझान अब्दुल रहमानने डी. के. सी. सी.च्या सार्थक नागावकरचा १८-७, १५-१४ असा सरळ दोन सेटमध्ये पराभव करून या गटाचे विजेतेपद पटकाविले.
विजेत्यांना मुंबई डिस्ट्रिक्ट कॅरम असोसिएशनचे उपाध्यक्ष यतीन ठाकूर, मानद सरचिटणीस अरुण केदार, सहसचिव संजय बर्वे व सेंट्रल रेल्वे इंस्टिट्यूटचे सदस्य पेडणेकर यांच्या हस्ते चषक देऊन गौरविण्यात आले.