Friday, July 12, 2024
Homeमुंबई स्पेशलमहालक्ष्मी रेसकोर्सवर पुन्हा...

महालक्ष्मी रेसकोर्सवर पुन्हा दिसणार अश्वशर्यती!

मुंबई महानगराची आंतरराष्ट्रीय ख्याती जपणारे रेसकोर्स नव्याने दिमाखात उभे ठाकणार आहे. पुन्हा या रेसकोर्सवर घोड्यांच्या शर्यतींचा आनंद लुटता येणार आहे. राज्य मंत्रिमंडळाच्या काल झालेल्या बैठकीत महालक्ष्मी रेसकोर्सवर अश्वशर्यती होणार हे निश्चित झाले. रॉयल वेस्टर्न इंडिया टर्फ क्लबतर्फे पूर्वीपासून येथे घोड्यांच्या शर्यतीचे आयोजन केले जाते.

कालच्या राज्य मंत्रिमंडळाच्या बैठकीत महालक्ष्मी रेसकोर्स येथे आंतरराष्ट्रीय दर्जाचे सेंट्रल पब्लिक पार्क उभारण्याचा महत्वाकांक्षी प्रकल्प हाती घेण्याचा तसेच तो विहित कालावधीत पूर्ण करण्याचे शासनाने ठरविले. या संदर्भात मे. रॉयल वेस्टर्न इंडिया टर्फ क्लबला दिलेल्या भूखंडाच्या भाडेपट्यात सुधारणा करण्याचा निर्णयही घेण्यात आला. महालक्ष्मी रेसर्कोर्सवर कुठल्याही स्वरुपाचे बांधकाम होणार नाही असेही यावेळी स्पष्ट करण्यात आले. बैठकीच्या अध्यक्षस्थानी मुख्यमंत्री एकनाथ शिंदे होते.

मे. रॉयल वेस्टर्न इंडिया टर्फ क्लब लि. यांच्या ताब्यात पूर्वी असलेल्या एकूण २११ एकर भूखंडापैकी अंदाजे ९१ एकर शासकीय भूखंडाच्या भाडेपट्ट्याचे ०१ जून २०२३पासून ३१ मे २०५३, या ३० वर्षांच्या महत्तम कालावधीसाठी नूतनीकरण करण्यास अटी व शर्तीमह मान्यता देण्यात आली. याद्वारे, मे. रॉयल वेस्टर्न इंडिया टर्फ क्लब लि. यांना यापूवों देण्यात आलेल्या २११ एकर भूखंडापैकी अंदाजे ९१ एकर भूभाग ३० वर्षाच्या भाडेपट्ट्याने देण्यात आला आहे. आंतरराष्ट्रीय दर्जाचे सेंट्रल पब्लिक पार्क उभारण्याकरिता मे. रॉयल वेस्टर्न इंडिया टर्फ क्लब लिमिटेड यांच्या ताब्यात असलेली उर्वरित १२० एकर जागा या संस्थेने बृहन्मुंबई महानगरपालिकेस उपलब्ध करून द्यायची आहे.

मे. रॉयल वेस्टर्न इंडिया टर्फ क्लब लि. यांच्या क्लब स्टेबल्स आणि इतर संरचनांनी व्यापलेल्या बांधीव क्षेत्राकरीता १४.०३.२०२४ रोजी निर्गमित शासन निर्णयामध्ये स्पष्ट केल्यानुसार जमिनीच्या वार्षिक मूल्य दरतक्त्यातील (रेडीरेकनरने येणाऱ्या) किंमतीच्या १०% रकमेवर १% या प्रचलित दराने भाडेपट्टा आकारणी करण्यात यईल. उर्वरित मोकळी जागा अश्व शर्यतीच्या दिवसांव्यतिरिक्त इतर दिवसांकरिता सार्वजनिक वापराकरिता उपलब्ध राहणार असल्याने या जागेवर सवलतीच्या दराने भाडेपट्टा आकारण्यात येणार आहे.

मे. रॉयल वेस्टर्न इंडिया टर्फ क्लब लि. यांच्यावर दरवर्षी आकारण्यात येणारी दरवाढ ३%पेक्षा जास्त नसेल. मे. रॉयल वेस्टर्न इंडिया टर्फ क्लब लि. यांना भाडेपट्टा कराराने देण्यात आलेल्या महालक्ष्मी रेसकोर्स येथील शासकीय भूखंडावर ०१.०१.२०१७ ते ३१.१२.२०२३ या कालावधीकरीता अतिरिक्त भाडेपट्ट्यापोटी अनुज्ञेय होणाऱ्या फरकाची रक्कम वसूल करण्यात येणार नाही.

भाडेपट्टा कराराने दिलेल्या भूखंडावर मे. रॉयल वेस्टर्न इंडिया टर्फ क्लब लि. यांच्याद्वारे आयोजित करण्यात येणाऱ्या सर्व क्रीडेतर कार्यक्रमाकरिता प्रतीदिन आकारावयाचे अनुज्ञप्ती शुल्क (License Fee) शासन निर्णय, महसूल व वन विभाग, दि. २३.०६.२०१७ अन्वये विहित केलेल्या धोरणानुसार क्रीडेतर कार्यक्रमाच्या पहिल्या दिवसासाठी रु. १,५०,०००/- प्रती कार्यक्रम व एकाच आयोजकाचा तोच कार्यक्रम एकापेक्षा अधिक कालावधीसाठी असेल तर लगतच्या प्रत्येक दिवसासाठी रु. १,००,०००/- प्रती कार्यक्रम प्रती दिन याप्रमाणे आकारण्यात येईल, असेही या बैठकीत निश्चित करण्यात आले.

Continue reading

महाराष्ट्रातल्या आमदारांचे उपराष्ट्रपतींनी टोचले कान!

उच्च लोकशाही परंपरा, नैतिक मूल्य याबद्दल खूप काही बोलले जाते. त्याचे पालन करण्याची जबाबदारी संसदीय लोकशाहीवर विश्वास असणाऱ्या प्रत्येकाची आहे. सभागृहातील वागण्याबोलण्यातून ती दिसली पाहिजे. सभागृहाबाहेर असणाऱ्या प्रत्येकाचे लक्ष येथील घडामोडींवर असते. त्यामुळे प्रत्येक सदस्याने आणि राजकीय पक्षानेही नैतिकता पाळली...

डेंग्यूला रोखण्यासाठी घाला शरीर पूर्णपणे झाकणारी वस्त्रे

डेंग्यू पसरवणाऱ्या सामान्यपणे  दिवसा चावणाऱ्या एडीस डासांबाबत समाजाला जागरूक करण्यासाठी, शाळेत जाणाऱ्या मुले आणि इतरांसाठी शरीर पूर्णपणे झाकून ठेवणारे कपडे घालण्याबाबत जनजागृती मोहीम राबवली जाईल तसेच पाणी साठवण्याची विविध भांडी आणि इतर भांड्यांमध्ये साठून राहणाऱ्या अस्वच्छ पाण्यापासून मुक्त ठेवण्याचे...

मुंबई कोस्टल रोडचा आणखी एक टप्पा सुरू

मुंबई कोस्टल रोड म्हणजेच धर्मवीर, स्वराज्यरक्षक छत्रपती संभाजी महाराज मुंबई किनारी रस्ता (दक्षिण) प्रकल्पातील हाजी अली ते खान अब्दुल गफार खान मार्गापर्यंत प्रवासाला उपयुक्त ठरणारा टप्पा आज सकाळी ७ वाजल्यापासून तात्पुरत्या स्वरुपात खुला झाला आहे. किनारी रस्ता प्रकल्पातील हाजी...
error: Content is protected !!