Saturday, July 13, 2024
Homeन्यूज अँड व्ह्यूजत्यांनी डोळा मिचकावला...

त्यांनी डोळा मिचकावला आणि मला बरोब्बर समजले..

महाराष्ट्राच्या अर्थसंकल्पावरील चर्चेला उत्तर देताना उपमुख्यमंत्री आणि अर्थमंत्री अजित पवार यांनी आपल्यात झालेले बदल दर्शवत काही वेळा मिष्कील कोपरखळ्या मारल्या आणि मोदी की ग्यारन्टीचा संदर्भ दिला तर काही वेळा थेट त्यांचा एरवीच्या भाषणांच्या विपरित शेजारी राज्यातील निकालांचे संदर्भ दिले. मध्य प्रदेश, राजस्थान, छत्तीसगडच्या निकालांचाही संदर्भ देत कॉँग्रेसने आश्वासने पाळली नाहीत, त्याचे परिणाम भोगावे लागले, हेही सांगितले. अधिकारी ग्यालरीतून अधिकाऱ्यांनी मला डोळा मिचकावला आणि मी आकडा बरोबर सांगितलाय हे मला समजले, अशी टिप्पणी त्यांनी केली तेव्हा तर विरोधकांसह सारे सभागृह हास्यकल्लोळात बुडाले.

डोळा

राज्यावरील कर्जाचे आकडे विरोधकांकडून सांगितले जातात, याकडे लक्ष वेधून पवार यांनी विविध राज्यांचे कर्जाचे आकडे सांगितले आणि महाराष्ट्रापेक्षा ते खूपच जास्त आहेत, याकडे लक्ष वेधले. ते सांगताना सारी यादीच त्यांनी वाचून दाखवली आणि त्यावर सत्ताधारी सदस्यांनी ठेका धरत वा वा वा वा.. असे संगीतही दिले. त्यानंतर अजित पवार यांनी हे म्हणजे स्वतःचे ठेवायचे झाकून आणि दुसऱ्याचे बघायचे वाकून, असा प्रकार आहे, अशी टिप्पणी केली. त्यावर सभागृहात पुन्हा हंशा उसळला.

विधिमंडळात आमदार किंवा लोकप्रतिनिधी कामकाज करतात तेव्हा सभृहातील अधिकारी कक्ष तसेच अभ्यागत कक्ष किंवा प्रेक्षक दीर्घा आणि पत्रकारांची ग्यालरीही अदृष्य ग्यालरी आहे, असे संकेत आहेत. याचा अर्थ निवडून आलेले लोकप्रतिनिधी कामकाज करतात तेव्हा या सर्व ग्यालऱ्या त्यात भाग घेत नसतात. त्यामुळे अदृष्य ग्यालरीबद्दल मिष्कील उल्लेख करून अजित पवार यांनी विरोधकांना गप्प केले आणि सभागृहाने विशेषतः सत्ताधारी बाकावरील आमदारांनी त्यांना दाद दिली.

डोळा

राज्याचे स्थूल उत्पन्न ४३ लाख ६७ हजार ७७८ कोटी रुपये आहे, असे राज्याचे अर्थमंत्री आणि उपमुख्यमंत्री अजित पवार यांनी सांगितले. त्यावर कॉँग्रेसचे ज्येष्ठ आमदार बाळासाहेब थोरात यांनी नेमका आकडा किती आहे, असे विचारले. त्यावर अजित पवार यांनी पुन्हा हा आकडा उच्चारला आणि बरोबर आहे ना, असे म्हणून अध्यक्षांच्या उजव्या हाताला बसणाऱ्या अधिकाऱ्यांच्या कक्षाकडे बघून विचारले. तेथील एका अधिकाऱ्याने हा आकडा बरोबर असल्याचा इशारा केला. त्यावर थोरात यांनी आक्षेप घेताच अजित पवार उत्तरले, अहो मी आकडा बरोबरच सांगितलाय आणि ती अधिकाऱ्यांची ग्यालरी अदृष्य ग्यालरी असते पण तेथून अधिकाऱ्यांनी डोळे मिचकावले आणि मला समजले की मी आकडा बरोबर सांगितला आहे… त्यावर सभागृहात हंशा उसळला.

Continue reading

महायुतीचा कोथळा वाचवण्यासाठी महाराष्ट्रात वाघनखांचा उत्सव

छत्रपती शिवाजी महाराजांनी स्वराज्यावर चालून येणाऱ्या अफझलखानाचा कोथळा वाघनखांनी बाहेर काढला आणि या इतिहासापासून प्रेरणा घेत राज्यातील महायुती सरकार आता येणाऱ्या निवडणुकीत स्वतःचा कोथळा वाचवण्यासाठी वाघनखांचा उत्सव महाराष्ट्रातल्या चार प्रमुख शहरांमध्ये भरवणार आहे. लोकसभा निवडणुकांमध्ये महायुतीचा कोथळा काढला गेला हा...

कुत्ता गोली कुत्ती गोलीपेक्षा असते भारी..

वास्तविक, अंमली पदार्थाच्या सेवनानंतर कोणत्याही व्यक्तीला नशा चढते आणि त्या व्यक्तीचे भान हरपते. भान हरपल्यानंतर त्या व्यक्तीला कोणतेच भान उरत नाही. पण अंमली पदार्थांमध्येही लिंगविशिष्ट विभागणी आहे आणि कुत्ता गोलीपेक्षा कुत्ती गोली किंवा कुतिया गोलीच्या सेवनाने नशा कमी प्रमाणात...

यातले किती सदस्य पुढच्या जन्मी होणार फ्लेमिंगो?

पुढच्या जन्मी विधानसभेतील किती सदस्य फ्लेमिंगो पक्ष्याचा जन्म घेणार आहेत, हे मंत्रिमहोदयांनी सांगावे, अशी अजब मागणी आमदार आशिष शेलार यांनी आज विधानसभेत केली. याचे उत्तर देण्यासाठी मला चित्रगुप्ताच्या संगणकाला एक्सेस लागेल, असे सांगून ही माहिती पटलावर ठेवता येणार नाही,...
error: Content is protected !!