मुंबईच्या दादर-माटुंगा सांस्कृतिक केंद्राच्या वतीने ‘स्वरसंचित’ या शीर्षकाअंतर्गत दर महिन्याला एका विख्यात गायक कलाकाराची ध्वनिमुद्रित मैफील प्रसारित करण्यात येते. त्याअंतर्गत रविवार, १९ जून रोजी संध्याकाळी ५ वाजता विदुषी श्रुती सडोलीकर यांची ध्वनिमुद्रित मैफिल प्रसारित होणार आहे.
सडोलीकर जयपूर अत्रौली घराण्याच्या गायिका आहेत. त्यांचे संगीताचं शिक्षण प्रथम त्यांचे वडील प्रसिद्ध गायक वामनराव सडोलीकर यांच्याकडे झाले. त्यानंतर त्यांनी गुल्लूभाई जसदनवाला यांच्याकडे पुढील तालीम घेतली. त्या शास्त्रीय, उपशास्त्रीय संगीत, टप्पा, ठुमरी, नाट्यसंगीत सादर करतात. त्या लखनौ येथील भातखंडे संगीत विद्यालयाच्या उप कुलपती म्हणून २००९ ते २०२० या काळात कार्यरत होत्या. त्यांना संगीत नाटक ॲकॅडमी पुरस्कार प्राप्त झाला आहे.
ही मैफील केंद्राच्या युट्यूब प्रणालीवर कायमस्वरूपी ठेवण्यात येईल. आपण त्याचा तेथेही आनंद घेऊ शकता.
