अल्ट्रा झकास या भारतातील प्रमुख मराठी ओटीटी प्लॅटफॉर्मने आपल्या प्लॅटफॉर्मवर प्रेक्षकांना खास मनोरंजन देण्याची आपली वचनबद्धता पुन्हा एकदा पूर्ण करताना उद्या ३ जुलै, २०२३पासून ‘गलबत’ हा नवा रोमांचक मनोरंजनात्मक चित्रपट सादर करणार आहे.
‘गलबत’ची ही कथा चंद्रकांत तानाजी लोढे यांची आहे. ‘गलबत’ ही लोभ, फसवणूक आणि एखाद्याच्या कर्माचे परिणाम यांची एक रोमांचकारी कथा आहे. हा चित्रपट किल्वर, या पैशाच्या भुकेल्या व्यक्तीभोवती फिरतो जो सतत रातोरात श्रीमंत होण्यासाठी योजना आखतो. त्याचा मुलगा, चावा, त्याच्या वडिलांच्या शेवटच्या दरोडाच्या योजनेत अडकतो आणि त्याला धोक्याच्या आणि फसवणुकीच्या गोंधळलेल्या जगात वावरण्यास भाग पाडले जाते. हा चित्रपट प्रेक्षकांसाठी भावना आणि मनोरंजनाचा अत्युच्च बिंदू असल्याचे आश्वासन देतो. एक मनोरंजक कथानक आणि कलाकारांच्या विविधरंगी अभिनय कामगिरीसह, ‘गलबत’ प्रेक्षकांवर कायमची छाप सोडेल याची खात्री आहे.
चित्रपटाच्या प्रदर्शनाबाबतीत बोलताना, अल्ट्रा झकासचे प्रवक्ते म्हणाले की, ‘गलबत’ हा चित्रपट आमच्या प्रेक्षकांसाठी ओटीटी प्लॅटफॉर्मवर आणताना आम्हाला आनंद होत आहे. आम्हाला विश्वास आहे की चित्रपटाचे अनोखे कथानक आणि अपवादात्मक कामगिरी प्रेक्षकांना आवडेल आणि अशा कथांची ते आणखी अपेक्षा करतील. मनोरंजनाचे विविध जिन्नस घेऊन हे ‘गलबत’ आता ओटीटीवर प्रेक्षकांच्या भेटीस येत आहे. हा रोमांचकारी अनुभव चुकवू नका.
अधिक माहितीसाठी www.ultrajhakaas.com ला भेट द्या.
अॅप लिंक: https://ultrajhakaas.app.link/
