बिग बॉस मराठीच्या कार्यक्रमाचा आज पाचवा दिवस. बिग बॉसच्या घरात आज टास्कसोबतच रंगणार जबरदस्त कार्यक्रम– दादुस ऑर्केस्ट्रा– फॅशन शोभेल तुला!
काल प्रक्षेपित झालेल्या प्रोमोमध्ये अचानक दोन महिला आणि दोन पुरुष वेगळ्याच गेटअपमध्ये दिसून आले. कोण आहेत हे नवीन सदस्य असा प्रश्न मनात येऊन गेला.. पण तसं काही नाहीये.. उत्कर्ष शिंदे आणि विकास पाटील यांनी बायकांचा गेटअप तर सुरेखा कुडची आणि मीनल शाह हिने पुरुषांचा गेटअप केला आहे. चौघेही त्यामध्ये एकदम परफेक्ट दिसत आहेत, असं म्हणायला हरकत नाही.
दादुस ऑर्केस्ट्रा– फॅशन शोभेल तुला.. या कार्यक्रमात विकास पाटील ‘हृदयी वसंत फुलताना’ या गाण्यावर मीनल शाहसोबत नृत्य सादर करणार आहे तर उत्कर्ष शिंदे, सुरेखा कुडची यांच्यासोबत ही ‘पोरगी साजूक तुपातली’ या गाण्यावर धम्माल डान्स करणार आहे. यांना साथ मिळणार आहे दादुस (संतोष चौधरी) याची. घरातला माहोल एकदम हलकाफुलका होताना दिसणार आहे आणि सदस्यांनी बरीच धम्माल मस्ती केलेली दिसणार आहे.
बिग बॉसच्या घरात दरदिवशी नाही, दर मिनिटाला नाही, तर सेंकदाला स्ट्रॅटेजी बदलत असते. यामध्ये कोणाचा गेम काय आहे, कोणाच्या मनामध्ये काय आहे, कोण कोणाच्या बाजूने आहे हे सांगणं खूप कठीण असतं. प्रत्येक सदस्य आपल्या ग्रुपला, आपल्या जवळच्या माणसांना, स्वत:ला वाचवण्याच्या मागे असतो. आज जय आणि उत्कर्ष अशीच काही स्ट्रॅटेजी आखताना दिसणार आहेत. आता ती नक्की कोणाबद्दल आहे? हे आजच्या भागामध्ये कळेल…
जय, उत्कर्ष बोलताना दिसणार आहे, “ती इझिली मॅन्युपलेट होणारी आहे. ती आपल्या बाजूने कधीपण होऊ शकते. ती ओपन माईंडेड झाली आहे आता. आणि दुसरी सदस्य जी आहे ना.. तिला इतक्या लवकर नको बाहेर काढूया… बडबड बडबड आहे ती.. कॉमेडी कंटेंट आहे…
उत्कर्ष म्हणाला, “त्याला पण आता नको बाहेर काढूया. त्याला नंतरसाठी ठेऊया. जय पुढे म्हणाला आहे की, “दर शोला एक जोकर लागतो. तो जोकर आहे. त्याचा वीक पॉईंट आपल्याला माहित आहे. इमोशनल ब्रेकडाऊन होतो त्याचा. त्याला जास्त दिवस भाव नाही ना दिला तर तो एकटा पडणार. त्याला विचारायचा नाही, एडव्हाईसपण नको देऊस. आता “तो” नक्की कोण आहे? कोण आहे घरातला जोकर? कोणाबद्दल जय आणि उत्कर्ष बोलत आहेत, हे कळेलच.
आज सोनाली करणार आहे गायत्री दातारची एकेटिंग. काय आहे मीनल शाहचं म्हणणं, यासाठीवर बघा बिग बॉस मराठी, आज रात्री.. कलर्स मराठीवर..
