Homeडेली पल्सपुण्यात आजपासून रंगणार...

पुण्यात आजपासून रंगणार केंद्रीय विद्यालयांतल्या मुलांचे क्रिकेट

केंद्रीय विद्यालय संघटनेतर्फे आयोजित करण्यात आलेल्या 55व्या राष्ट्रीय क्रीडा स्पर्धेंतर्गत 17 वर्षांखालील मुलांची क्रिकेट स्पर्धा आजपासून पुण्यात सुरू होत आहे. 1 नोव्हेंबरला या स्पर्धेचा समारोप होईल. केंद्रीय विद्यालय संघटनेच्या मुंबई क्षेत्रीय कार्यालयाच्या आयोजनाखाली होणाऱ्या या स्पर्धेचे यजमानपद पीएम श्री केंद्रीय विद्यालय क्रमांक 1 आणि 2, वायुसेना स्थल, पुणे भूषवणार आहेत. या स्पर्धेत 25 संघांतील सुमारे 350 खेळाडू सहभागी होणार आहेत. स्पर्धेचा उद्घाटन समारंभ आज सकाळी 10 वाजता लोहगाव येथील गुरुद्वारा कॉलनीतील एकेपीसी क्रिकेट मैदानावर होणार आहे. एअर कमोडोर सतबीर सिंह राय, व्हीएम, एअर ऑफिसर कमांडिंग, 2 विंग, वायुसेना स्थल, पुणे तथा पीएम श्री केंद्रीय विद्यालय क्रमांक 1च्या विद्यालय व्यवस्थापन समितीचे अध्यक्ष प्रमुख पाहुणे म्हणून यावेळी उपस्थित राहणार आहेत.

उद्घाटन समारंभात हरित स्वागत, स्वागतगीत, ध्वज समारंभ, संचलन, क्रीडाज्योत दौड, खेळाडूंचा शपथविधी तसेच सांस्कृतिक कार्यक्रमांचा समावेश असेल. स्पर्धेतील सामने गुरुद्वारा परिसरातील एकेपीसी क्रिकेट मैदान, वीरांगण क्रिकेट अकादमी, विज्डम क्रिकेट अकादमी (सर्व लोहगाव) आणि महालक्ष्मी क्रिकेट अकादमी, खराडी या चार मैदानांवर खेळविण्यात येणार आहेत. सुरुवातीला गटवार साखळी सामने होतील. त्यानंतर प्रत्येक गटातील गुणतालिकेत अव्वल स्थान मिळविणाऱ्या संघांमधून उपांत्यपूर्व फेरीसाठी संघ निश्चित केले जातील. पुढे उपांत्य फेरीचे सामने होतील आणि 1 नोव्हेंबर रोजी अंतिम सामना होईल.

सामन्यांसाठी महाराष्ट्र क्रिकेट असोसिएशनशी (एमसीए) संलग्न 20 पंचांची व्यवस्था करण्यात आली आहे. सहभागी खेळाडूंच्या निवासाची व्यवस्था केंद्रीय विद्यालय क्रमांक 1 व 2, वायुसेना स्थळ, पुणे येथे करण्यात आली आहे. केंद्रीय विद्यालय संघटन, मुंबई विभागाचे उपायुक्त बी. के. बेहरा यांच्या मार्गदर्शनाखाली, पीएम श्री केंद्रीय विद्यालय क्रमांक 1 चे प्राचार्य राजेंद्र वडाळकर आणि केंद्रीय विद्यालय क्रमांक 2चे प्राचार्य भारत भूषण यांच्या नेतृत्त्वात स्पर्धेच्या आयोजनाची तयारी करण्यात आली आहे. या राष्ट्रीय स्पर्धेमुळे युवा क्रिकेटपटूंना आपले कौशल्य दाखवण्याची संधी मिळणार असून त्यांच्यातल्या संघभावना, शिस्त आणि खिलाडूवृत्तीला प्रोत्साहन मिळणार आहे.

Continue reading

बँक खात्यात रुपयाही नसला तरी काढता येणार दहा हजार!

पंतप्रधान जनधन योजनेच्या (पीएमजेडीवाय) खातेदारांसाठी केंद्र सरकारची एक महत्त्वाची सुविधा पुन्हा चर्चेत आली आहे. खात्यात शिल्लक शून्य असली (म्हणजेच खात्यात पैसे नसले) तरी पात्र खातेदाराला १०,००० रुपयांपर्यंतची रक्कम काढता येते. ही सुविधा म्हणजे ओव्हरड्राफ्ट. ओव्हरड्राफ्ट म्हणजे बँकेने ठरवून दिलेल्या...

कार-बाईक मालकांसाठी खुशखबर; नव्या वाहनांसाठी ३ वर्षांची पीयूसी

कार आणि बाईकच्या मालकांना आता दरवर्षी प्रदूषण नियंत्रण प्रमाणपत्र (पीयूसी) घेण्याची झंझट संपणार आहे. केंद्रीय रस्ते वाहतूक आणि महामार्ग मंत्रालयाने १३ नोव्हेंबर २०२६ रोजी अधिसूचित केलेले केंद्रीय मोटार वाहन (१६वे संशोधन) नियम, २०२६ आता राजपत्रात प्रसिद्ध झाल्याने लागू झाले...

भरत सावंतने जिंकली नलावडे स्मृती शालेय कॅरम स्पर्धा

मुंबईतल्या आयडियल स्पोर्ट्स अकॅडमी, शशिकलाताई फौंडेशन व अविनाश नलावडे स्पोर्ट्सतर्फे बालदिनानिमित्त आयोजित करण्यात आलेली‌ कॅरमप्रेमी प्रल्हाद नलावडे स्मृती चषक शालेय कॅरम स्पर्धा आरपीडी हायस्कूल-सावंतवाडीच्या भरत सावंतने जिंकली. निर्णायक बोर्डाच्या अगोदर ११-७ अशी आघाडी घेणाऱ्या द्वितीय मानांकित प्रसन्न गोळेला भरत...
Skip to content