न्यूज ॲट अ ग्लांस

भारतीय हवामानशास्त्र विभाग (आयएमडी)ने मंगळवारी दिलेल्या ताज्या माहितीनुसार, यंदा नैऋत्य मोसमी वारे (मान्सून) केरळमध्ये दाखल होण्यास काहीसा विलंब झाला आहे. आता मान्सून गुरुवारी, ४ जूनच्या आसपास केरळ किनारपट्टीवर धडकण्याची शक्यता आहे. यापूर्वी हवामान विभागाने २६ मे रोजी मान्सून दाखल होईल, असा प्राथमिक अंदाज वर्तवला होता. मात्र, हवामानाच्या आणि वाऱ्यांच्या बदललेल्या स्थितीमुळे हा अंदाज हुकला. सर्वसाधारणपणे मान्सून १ जून रोजी केरळमध्ये दाखल होतो. सध्या नैऋत्य आणि आग्नेय अरबी समुद्र, लक्षद्वीप, केरळ आणि तामिळनाडूच्या काही भागांसह बंगालच्या उपसागरामध्ये मान्सूनच्या पुढील वाटचालीसाठी पोषक आणि अनुकूल वातावरण निर्माण झाले आहे. तथापि, प्रशांत महासागरातील 'अल...