तूच हो तुझ्या साहित्याचा प्रकाशक!

सोशल मीडिया हे लेखकांसाठी मोठेच वरदान ठरत आहे. उत्तमोत्तम पोस्ट्स, आठवणी, विचारप्रवर्तक लेख, अनुभव कथन, ललित लेख आणि सामाजिक चिंतनविषयक लेखन करणारे शेकडो गुणवंत लेखक आपल्याला फेसबुक, ब्लॉग्ज, इन्स्टाग्राम वगैरे माध्यमातून दररोज भेटतात. त्यांचे हे लेखन पुस्तक रूपाने आणण्यासाठी पुरेसे प्रकाशक आज समाजात नाहीत. नवलेखक कितीही गुणवंत असो आणि त्याचे किंवा तिचे लिखाण कितीही दर्जेदार असो त्यांना प्रकाशकांकडून नकार ऐकावा लागतो. ती दर्जेदार पुस्तके प्रकाशित करण्यासाठी आज जगभरात लोकप्रिय असलेला मार्ग म्हणजे सेल्फ पब्लिशिंग, अर्थात लेखकाने आपले पुस्तक स्वतःच प्रकाशित करणे. याचाच अर्थ तूच हो तुझ्या साहित्याचा प्रकाशक…

संगणक प्रकाशनने नुकतेच प्रकाशित केलेले पुस्तक ‘प्रकाशन : तंत्र आणि मंत्र’, हे माधव शिरवळकरलिखित पुस्तक सेल्फ पब्लिशिंगसाठीचे परिपूर्ण गाईड आहे. एकूण ३०४ पाने आणि २१ प्रकरणे असलेल्या या पुस्तकात लेखन, बुक डिझाईन, पेजिनेशन, छपाई, ऑनलाईन विक्री, वितरण, जाहिरात, प्रचार, ISBN नोंदणी, कॉपीराईट कायदा आदिंविषयी सर्वसमावेशक व अद्ययावत माहिती आहे. पुस्तक प्रकाशक, लेखक, मुद्रक आणि पत्रकारिता व मास मrडियाच्या विद्यार्थ्यांसाठी अत्यंत उपयुक्त, असे हे पुस्तक ‘ॲमेझॉन’वर उपलब्ध आहे.