भारतीय संरक्षण संशोधन आणि विकास संस्थेने (डीआरडीओ) सुरूंगशोध आणि निराकरण मोहिमांसाठी अद्ययावत मानववाहक स्वयंचलित जलांतर्गत वाहने विकसित केली आहेत. डीआरडीओअंतर्गत विशाखापट्टणम इथल्या नौदल विज्ञान आणि तंत्रज्ञान प्रयोगशाळेत सुरूंग प्रतिकार मोहिमांसाठी नव्याने विकसित मानववाहक स्वयंचलित जलांतर्गत वाहने यशस्वीपणे तयार करण्यात आली आहेत. या प्रणालीत अनेक जलांतर्गत स्वयंचलीत वाहने असून त्यांना साइड स्कॅन सोनार आणि जलांतर्गत कॅमेरे, अशी प्राथमिक सामग्री जोडलेली आहेत. त्यामुळे सुरूंगासारखी वाटणारी वस्तू प्रत्यक्ष कालावधीत ओळखणे शक्य होते. वाहनावर असलेल्या गहन शिक्षणाधारित लक्ष्यओळख अल्गोरिदममुळे स्वयंचलित वर्गीकरण करता येते. त्यामुळे संचालकाचा कार्यभार आणि मोहिमेचा कालावधी लक्षणीयरीत्या कमी होतो.
यात मजबूत जलांतर्गत संप्रेषण प्रणाली समाविष्ट करण्यात आली आहे. त्यामुळे कार्यवाहीदरम्यान विविध वाहनांमधील माहितीविनिमय सुलभ होते आणि ती परिस्थितीची व्यापकतेची जाणीव करून देते. अलीकडेच नौदल विज्ञान आणि तंत्रज्ञान प्रयोगशाळा/बंदर क्षेत्रात पूर्ण झालेल्या प्रात्यक्षिक चाचण्यांत प्रणालीच्या महत्त्वाच्या तांत्रिक निकषांची आणि निर्णायक मोहिम उद्दिष्टांची यशस्वी पडताळणी केली. अनेक औद्योगिक भागीदार या प्रणालीच्या निर्मिती प्रक्रियेत सहभागी आहेत. पुढील काही महिन्यांत ती उत्पादनासाठी सज्ज होईल. या प्रणालीमुळे नौदलाच्या सुरूंग युद्धसज्जतेसाठी प्रतिसादक्षमता जलद होईल, असे संरक्षण संशोधन व विकास विभागाचे सचिव आणि डीआरडीओचे अध्यक्ष डॉ. समीर कामत यांनी सांगितले.
