Homeन्यूज ॲट अ ग्लांसऑलिम्पिकमध्ये भारताला आणखी...

ऑलिम्पिकमध्ये भारताला आणखी एक पदक!

पॅरिस ऑलिम्पिकमध्ये भारताला आज रात्री आणखी एक पदक मिळाले. ५७ किलो वजनी गटाच्या परुषांच्या कुस्तीत भारताच्या अमन शेरावतने बेथलेहॅम्सच्या डॅरिअन क्रूझचा लीलया पराभव करत कांस्यपदक पटकावले.

आज रात्री या दोन्ही खेळाडूंमध्ये झालेल्या सामन्यात सुरूवातीला दोन्ही खेळाडू परस्परांवर कुरघोडी करत पाच पॉईंटपर्यंत झुंझले. मात्र त्यानंतर अमनने उसळी घेत डॅरिअनला निष्प्रभ केलेआणि सामना १३ विरूद्ध पाच, असा घशात घातला. या लढतीत पदक पटकावणारा २१ वर्षांचा अमन सर्वात तरूण खेळाडू आहे.

आतापर्यंत या ऑलिम्पिक स्पर्धेत भारताला पाच पदके मिळाली होती. मनू बाकरने दोन (एक सरबजीत सिंहसोबत) कांस्यपदके जिंकली. नीरज चोप्राला रौप्यपदक मिळाले. हॉकीत भारताला कांस्यपदक मिळाले. स्वप्नील कुसाळेने कांस्यपदक मिळवले. त्यानंतर आता अमन शेरावतने कांस्यपदकाला गवसणी घातली आहे. त्यामुळे भारताच्या पदकांची संख्या आता सहा झाली आहे.

Continue reading

मतदारयादीत नाव नाही? अर्ज करा ३० नोव्हेंबरपर्यंत!

महाराष्ट्रातील विशेष सखोल मतदारयादी पुनरिक्षण (एसआयआर)चे वेळापत्रक निवडणूक आयोगाने पुन्हा एकदा सुधारले आहे. केंद्रीय निवडणूक आयोगाचे अवर सचिव संदीप कुमार यांनी जारी केलेल्या पत्रानुसार, आता महाराष्ट्राची अंतिम मतदारयादी ३० नोव्हेंबरला नव्हे, तर मंगळवारी, २२ डिसेंबर २०२६ रोजी प्रसिद्ध होणार...

बँक खात्यात रुपयाही नसला तरी काढता येणार दहा हजार!

पंतप्रधान जनधन योजनेच्या (पीएमजेडीवाय) खातेदारांसाठी केंद्र सरकारची एक महत्त्वाची सुविधा पुन्हा चर्चेत आली आहे. खात्यात शिल्लक शून्य असली (म्हणजेच खात्यात पैसे नसले) तरी पात्र खातेदाराला १०,००० रुपयांपर्यंतची रक्कम काढता येते. ही सुविधा म्हणजे ओव्हरड्राफ्ट. ओव्हरड्राफ्ट म्हणजे बँकेने ठरवून दिलेल्या...

कार-बाईक मालकांसाठी खुशखबर; नव्या वाहनांसाठी ३ वर्षांची पीयूसी

कार आणि बाईकच्या मालकांना आता दरवर्षी प्रदूषण नियंत्रण प्रमाणपत्र (पीयूसी) घेण्याची झंझट संपणार आहे. केंद्रीय रस्ते वाहतूक आणि महामार्ग मंत्रालयाने १३ नोव्हेंबर २०२६ रोजी अधिसूचित केलेले केंद्रीय मोटार वाहन (१६वे संशोधन) नियम, २०२६ आता राजपत्रात प्रसिद्ध झाल्याने लागू झाले...
Skip to content