Details
त्वरित पर्यायी व्यवस्था करा – राहुल शेवाळे
01-Jul-2019
”
केएचएल न्यूज ब्युरो
[email protected]
कोणतीही पर्यायी व्यवस्था न करता मुंबई महानगरपालिका, रेल्वे प्रशासन आणि मुंबई पोर्ट ट्रस्टने बंद केलेल्या पादचारी पुलांमुळे मुंबईकरांना नाहक त्रासाला सामोरे जावं लागत आहे. पूल बंद करण्याचा निर्णय हा सुरक्षेच्या कारणास्तव घेतला असला तरीही नागरिकांना त्वरित पर्यायी व्यवस्था उपलब्ध करून द्यावी, अशी सूचना खासदार राहुल शेवाळे यांनी सर्व संबंधित यंत्रणांना केली आहे.
गुरूवारी खासदार शेवाळे यांनी संबंधित यंत्रणांच्या वरिष्ठ अधिकाऱ्यांसोबत, दक्षिण-मध्य मुंबईतील बंद केलेल्या पादचारी पुलांची पाहणी करताना अधिकाऱ्यांना या सूचना दिल्या.
सीएसटी स्थानकानजीकच्या हिमालय पूल दुर्घटनेनंतर मुंबईतील अनेक पूल बंद करण्यात आले. यामुळे नागरिकांना मोठ्या प्रमाणात त्रास सहन करावा लागत आहे. त्यामुळेच खासदार राहुल शेवाळे यांनी संबंधित यंत्रणांच्या वरिष्ठ अधिकाऱ्यांसह वडाळा रेल्वेस्थानक पादचारी पूल, किंग्स सर्कल स्थानकाजवळील पादचारी पूल, दादर फुल मार्केटजवळील पूल यांची पाहणी केली.
वडाळा पूर्व रेल्वेस्थानकाबाहेरील सुमारे 150 मीटरचे दोन पादचारी पूल धोकादायक ठरवून गेल्या 4 महिन्यांपासून रेल्वे आणि मुंबई पोर्ट ट्रस्टने बंद केले आहेत. यामुळे वडाळा पूर्वेच्या संगम नगर, कोरबा मिठागर, बीपीटी वसाहत येथून वडाळा स्थानकात येणाऱ्या सुमारे 5 लाख नागरिकांची मोठी गैरसोय होत आहे. यातील एका पादचारी पुलाचे संरचनात्मक परीक्षण त्वरित करून तो खुला करण्याची मागणी शेवाळे यांनी केली.
किंग्स सर्कल रेल्वेस्थानकाच्या बाहेरील पादचारी पूल बंद असल्याने नागरिकांना रस्ता ओलांडण्यासाठी नजीकच्या माटुंगा पुलाखाली व्यवस्था करावी, तसेच रस्त्यांच्या दुतर्फा रेलिंग्स लावावेत, अशा सूचना खासदार शेवाळे यांनी केल्या. दादर रेल्वेस्थानकावरील फुल मार्केट पुलावर प्रवाशांची होणारी गर्दी लक्षात घेता या पुलाचे रूंदीकरण करावे तसेच गर्दीच्या वेळी येथे गर्दीचे नियमन करण्यासाठी रेल्वे पोलीस तैनात ठेवावेत, अशी मागणीही त्यांनी रेल्वे प्रशासनाकडे केली.
गुरूवारी सकाळी 11 वाजता सुरू झालेल्या या पाहणी दौऱ्यात खासदार राहुल शेवाळेंसह विभागप्रमुख मंगेश सातमकर, नगरसेविका राजश्री शिरवाडकर, नेहल शहा, उर्मिला पांचाळ, मध्य रेल्वेचे सिनिअर डिव्हिजनल इंजिनिअर गर्ग, मुंबई पोर्ट ट्रस्टचे कार्यकारी अभियंता गरडे, मुंबई महानगरपालिकेचे उपायुक भरडे, मुख्य अभियंता दराडे, सहाय्यक आयुक्त दिघावकर आणि अन्य अधिकारी उपस्थित होते.”
“केएचएल न्यूज ब्युरो
[email protected]
कोणतीही पर्यायी व्यवस्था न करता मुंबई महानगरपालिका, रेल्वे प्रशासन आणि मुंबई पोर्ट ट्रस्टने बंद केलेल्या पादचारी पुलांमुळे मुंबईकरांना नाहक त्रासाला सामोरे जावं लागत आहे. पूल बंद करण्याचा निर्णय हा सुरक्षेच्या कारणास्तव घेतला असला तरीही नागरिकांना त्वरित पर्यायी व्यवस्था उपलब्ध करून द्यावी, अशी सूचना खासदार राहुल शेवाळे यांनी सर्व संबंधित यंत्रणांना केली आहे.
गुरूवारी खासदार शेवाळे यांनी संबंधित यंत्रणांच्या वरिष्ठ अधिकाऱ्यांसोबत, दक्षिण-मध्य मुंबईतील बंद केलेल्या पादचारी पुलांची पाहणी करताना अधिकाऱ्यांना या सूचना दिल्या.
सीएसटी स्थानकानजीकच्या हिमालय पूल दुर्घटनेनंतर मुंबईतील अनेक पूल बंद करण्यात आले. यामुळे नागरिकांना मोठ्या प्रमाणात त्रास सहन करावा लागत आहे. त्यामुळेच खासदार राहुल शेवाळे यांनी संबंधित यंत्रणांच्या वरिष्ठ अधिकाऱ्यांसह वडाळा रेल्वेस्थानक पादचारी पूल, किंग्स सर्कल स्थानकाजवळील पादचारी पूल, दादर फुल मार्केटजवळील पूल यांची पाहणी केली.
वडाळा पूर्व रेल्वेस्थानकाबाहेरील सुमारे 150 मीटरचे दोन पादचारी पूल धोकादायक ठरवून गेल्या 4 महिन्यांपासून रेल्वे आणि मुंबई पोर्ट ट्रस्टने बंद केले आहेत. यामुळे वडाळा पूर्वेच्या संगम नगर, कोरबा मिठागर, बीपीटी वसाहत येथून वडाळा स्थानकात येणाऱ्या सुमारे 5 लाख नागरिकांची मोठी गैरसोय होत आहे. यातील एका पादचारी पुलाचे संरचनात्मक परीक्षण त्वरित करून तो खुला करण्याची मागणी शेवाळे यांनी केली.
किंग्स सर्कल रेल्वेस्थानकाच्या बाहेरील पादचारी पूल बंद असल्याने नागरिकांना रस्ता ओलांडण्यासाठी नजीकच्या माटुंगा पुलाखाली व्यवस्था करावी, तसेच रस्त्यांच्या दुतर्फा रेलिंग्स लावावेत, अशा सूचना खासदार शेवाळे यांनी केल्या. दादर रेल्वेस्थानकावरील फुल मार्केट पुलावर प्रवाशांची होणारी गर्दी लक्षात घेता या पुलाचे रूंदीकरण करावे तसेच गर्दीच्या वेळी येथे गर्दीचे नियमन करण्यासाठी रेल्वे पोलीस तैनात ठेवावेत, अशी मागणीही त्यांनी रेल्वे प्रशासनाकडे केली.
गुरूवारी सकाळी 11 वाजता सुरू झालेल्या या पाहणी दौऱ्यात खासदार राहुल शेवाळेंसह विभागप्रमुख मंगेश सातमकर, नगरसेविका राजश्री शिरवाडकर, नेहल शहा, उर्मिला पांचाळ, मध्य रेल्वेचे सिनिअर डिव्हिजनल इंजिनिअर गर्ग, मुंबई पोर्ट ट्रस्टचे कार्यकारी अभियंता गरडे, मुंबई महानगरपालिकेचे उपायुक भरडे, मुख्य अभियंता दराडे, सहाय्यक आयुक्त दिघावकर आणि अन्य अधिकारी उपस्थित होते.”
