Homeकल्चर +राजीव श्रीखंडे यांनी...

राजीव श्रीखंडे यांनी लिहिलेल्या ‘ग्लोबल साहित्यसफर’चे प्रकाशन

प्रसिद्ध लेखक राजीव श्रीखंडे यांच्या ‘ग्लोबल साहित्यसफर (भाग ३)’ या पुस्तकाचे प्रकाशन मुंबईतल्या दादर-माटुंगा सांस्कृतिक केंद्र, माटुंगा (पश्चिम) येथे नुकतेच झाले. कार्यक्रमाला ९१व्या अखिल भारतीय मराठी साहित्य संमेलनाचे अध्यक्ष विश्वास पाटील तसेच शिक्षणतज्ज्ञ, लेखिका व भाषांतरकार डॉ. अंजली पटवर्धन-कुलकर्णी प्रमुख पाहुणे म्हणून यावेळी उपस्थित होते. कार्यक्रमाच्या सुरुवातीला विश्वास पाटील म्हणाले की, ज्याप्रमाणे सोशल इंजिनिअरिंग होते, त्याचप्रमाणे राजीव श्रीखंडे हे लिटरसी इंजिनिअरिंग करत आहेत. श्रीखंडे माझ्या सुरूवातीच्या काळात असते, तर मलादेखील साहित्यकृतींसाठी याचा खूप उपयोग झाला असता.

यावेळी बोलताना राजीव श्रीखंडे यांनी आपल्या आई-वडिलांच्या संस्कारांचे, त्यांच्या मार्गदर्शनाचे, बंधूंचे, सहचारिणीचे तसेच इतर अनेक मान्यवरांच्या सहकार्याचे स्मरण केले. त्यांच्या सहकार्याने हे सगळे शक्य झाले असल्याचे सांगत त्यांनी लवकरच या पुस्तकाची चौथी आवृत्तीही लिहिण्याचा मनोदय व्यक्त केला. डॉ. अंजली पटवर्धन-कुलकर्णी यांनीही गौरवोद्गार काढत या साहित्यकृतीचे विशेष कौतुक केले. कार्यक्रमाचे सूत्रसंचालन डॉ. मृण्मयी भजक यांनी केले. ‘निवडक अभिजात जागतिक साहित्यकृतींचा रसास्वाद’ असे स्वरूप असलेल्या या पुस्तकाच्या प्रकाशनाला साहित्यप्रेमींनी उत्स्फूर्त प्रतिसाद दिला.

Continue reading

दहावीतल्या निधी पावसकरचाही दुष्काळग्रस्तांना मदतीचा हात

संकटाच्या काळात मदतीचा हात पुढे करण्यासाठी वयाचे कोणतेही बंधन नसते, याचा आदर्श नुकताच मुंबईत पाहायला मिळाला. दहावीत शिकणाऱ्या निधी पावसकर या मुलीने आपल्या पिगी बँकेत साठवलेली १०,००० रुपयांची पुंजी मुख्यमंत्र्यांच्या दुष्काळ निधीसाठी नुकतीच सुपूर्द केली. 'वर्षा' या शासकीय निवासस्थानी...

आंतरमहाविद्यालयीन तायक्वांदो स्पर्धेत खालसा कॉलेज चमकले!

महाराष्ट्रातल्या रत्नागिरी येथील गोगटे-जोगळेकर महाविद्यालयात आयोजित करण्यात आलेल्या मुंबई विद्यापीठाच्या आंतरमहाविद्यालयीन तायक्वांदो स्पर्धेत माटुंगा येथील गुरु नानक खालसा महाविद्यालयाच्या खेळाडूंनी उल्लेखनीय कामगिरी करत ७ सुवर्ण, ३ रौप्य आणि ३ कांस्य अशी एकूण १३ पदके पटकावली. या उत्कृष्ट कामगिरीच्या जोरावर...

पं. हृदयनाथ मंगेशकरांच्या उपस्थितीने रंगला ‘आशाताई आणि मी’!

मुंबईतल्या बोरीवली पश्चिम येथील स्वररंग प्रतिष्ठान, या संस्थेने आयोजित केलेला भावगंधर्व पं. हृदयनाथ मंगेशकर यांचा 'आशाताई आणि मी' हा कार्यक्रम नुकताच प्रबोधनकार ठाकरे नाट्यमंदिर, बोरिवली येथे संपन्न झाला. यावेळी नव्वदीच्या घरात पोहोचलेले पं. हृदयनाथ मंगेशकर यांच्या उपस्थितीने रसिकांच्या तुडूंब...
Skip to content