Details
मिलिंद चित्ताल यांच्या गायनाने श्रोते मंत्रमुग्ध
01-Jul-2019
”
केएचएल न्यूज ब्युरो
[email protected]
मिलिंद चित्ताल यांच्या शास्त्रीय गायनाचा बहारदार कार्यक्रम मुंबईच्या दादर माटुंगा कल्चरल सेंटरतर्फे आयोजित करण्यात आला होता .श्रोत्यांच्या भरगच्च उपस्थितीत ही मैफल सुमारे साडेतीन तास सुरू होती. अनेक वर्षांची साधना आणि बुजूर्ग गुरूंचे मार्गदर्शन यामुळे चित्ताल यांचे संगीताच्या दुनियेत एक विशिष्ट स्थान आहे. आपल्या घुमार्दार आवाजाने त्यांनी श्रोत्यांना गुंगवून ठेवले.
त्यांनी सुरूवातीला राग मुलतानी निवडला होता. अल्लासाहेब जमाल हा पारंपरिक ख्याल त्यांनी शिस्तबद्ध रीतीने मांडला. क्रमवार बधंत, मींडकाम तसेच मध्य लय तान ही आयुधं वापरून त्यांनी ख्याल सजवला. मुलतानीनंतर त्यांनी ‘मारवा’ रागातील मध्य लयरचना ऐकविली. ही त्यांचे पहिले गुरू पंडित फिरोझ दस्तूर यांची रचना होती. कोमल रिषभ या स्वराचा कलात्मक वापर करून त्यांनी हा ख्याल रंगवला. सूरदासाचे एक फारसे प्रचलित नसलेले भजनही त्यांनी ऐकवले. ते ‘गारा’ रागावर आधारित होते. त्यातील भावदर्शन भावणारे होते.
मध्यंतरानंतर त्यांनी ‘अभोगी’ रागात नोमतोम आलाप गाऊन सुरूवात केली. पंडित दिनकर कायकिणी यांची तालीमही त्यांना लाभल्याचा यातून प्रत्यय आला. ‘शंकरा’ रागातील एक रचनाही त्यांनी पेश केली. उत्तरांगप्रधान रागातील मुरक्या सुंदर होत्या. बाजूबंद खुलं खुलं जा.. या भैरवीने त्यांनी या मैफलीची समर्पक समाप्ती केली. अभय दातार (तबला) आणि श्रीनिवास आचार्य (हार्मोनियम) यांची संगत उत्तम होती. तानपुऱ्यावर प्रकाश नाईक व स्वप्नीत मनोहर होते. हा कार्यक्रम डॉ. श्रीकृष्ण जोशी यांनी त्यांचे वडीलव संस्थेचे संस्थापक डॉ. स. गो. जोशी यांच्या स्मरणार्थ प्रायोजित केला होता.”
“केएचएल न्यूज ब्युरो
[email protected]
मिलिंद चित्ताल यांच्या शास्त्रीय गायनाचा बहारदार कार्यक्रम मुंबईच्या दादर माटुंगा कल्चरल सेंटरतर्फे आयोजित करण्यात आला होता .श्रोत्यांच्या भरगच्च उपस्थितीत ही मैफल सुमारे साडेतीन तास सुरू होती. अनेक वर्षांची साधना आणि बुजूर्ग गुरूंचे मार्गदर्शन यामुळे चित्ताल यांचे संगीताच्या दुनियेत एक विशिष्ट स्थान आहे. आपल्या घुमार्दार आवाजाने त्यांनी श्रोत्यांना गुंगवून ठेवले.
त्यांनी सुरूवातीला राग मुलतानी निवडला होता. अल्लासाहेब जमाल हा पारंपरिक ख्याल त्यांनी शिस्तबद्ध रीतीने मांडला. क्रमवार बधंत, मींडकाम तसेच मध्य लय तान ही आयुधं वापरून त्यांनी ख्याल सजवला. मुलतानीनंतर त्यांनी ‘मारवा’ रागातील मध्य लयरचना ऐकविली. ही त्यांचे पहिले गुरू पंडित फिरोझ दस्तूर यांची रचना होती. कोमल रिषभ या स्वराचा कलात्मक वापर करून त्यांनी हा ख्याल रंगवला. सूरदासाचे एक फारसे प्रचलित नसलेले भजनही त्यांनी ऐकवले. ते ‘गारा’ रागावर आधारित होते. त्यातील भावदर्शन भावणारे होते.
मध्यंतरानंतर त्यांनी ‘अभोगी’ रागात नोमतोम आलाप गाऊन सुरूवात केली. पंडित दिनकर कायकिणी यांची तालीमही त्यांना लाभल्याचा यातून प्रत्यय आला. ‘शंकरा’ रागातील एक रचनाही त्यांनी पेश केली. उत्तरांगप्रधान रागातील मुरक्या सुंदर होत्या. बाजूबंद खुलं खुलं जा.. या भैरवीने त्यांनी या मैफलीची समर्पक समाप्ती केली. अभय दातार (तबला) आणि श्रीनिवास आचार्य (हार्मोनियम) यांची संगत उत्तम होती. तानपुऱ्यावर प्रकाश नाईक व स्वप्नीत मनोहर होते. हा कार्यक्रम डॉ. श्रीकृष्ण जोशी यांनी त्यांचे वडीलव संस्थेचे संस्थापक डॉ. स. गो. जोशी यांच्या स्मरणार्थ प्रायोजित केला होता.”
