Details
केएचएल न्यूज ब्युरो
“राज्यस्तरीय शालेय टेबल टेनिस स्पर्धेत ठाण्यातील हिरानंदानी फाऊंडेशन शाळेच्या संघाने १४ वर्षांखालील मुलींच्या गटात रौप्यपदक पटकावले. ख्याती पांडे, प्रियांका गुप्ते व सायली प्रधान यांनी या संघाचे प्रतिनिधीत्व केले.”
वैयक्तिक गटात १७ वर्षांखालील मुलींच्या स्पर्धेत ठाण्याच्या सरस्वती विद्यामंदीरच्या श्रावणी सावंतने ७ पैकी ६ सामने जिंकून निर्विवाद वर्चस्व गाजवले. या कामगिरीच्या जोरावर श्रावणी सावंत बडोदा येथे ०५ ते ०९ जानेवारी २०२० दरम्यान होणाऱ्या राष्ट्रीय स्पर्धेसाठी १७ वर्षांखालील महाराष्ट्र संघाच्या कर्णधारपदाची मानकरी ठरली आहे. या खेळाडूंना पिनॅकल क्लबचे समीर सारळकर व प्रदीप मोकाशी यांचे मार्गदर्शन लाभले.
“परभणी येथे १२ ते १५ डिसेंबरदरम्यान क्रीडा व युवक सेवा संचालनालय महाराष्ट्र राज्य, पुणे, जिल्हा क्रीडा परिषद व जिल्हा क्रीडा अधिकारी परभणी व परभणी जिल्हा टे. टे. असोसिएशन यांच्या संयुक्त विद्यमाने परभणी येथील क्रीडा संकुलात राज्यस्तरीय शालेय टेबल टेनिस स्पर्धा २०१९-२० चे आयोजन करण्यात आले होते. या स्पर्धेचे उद्घाटन उज्वला राठोड, अध्यक्षा, जिल्हा परिषद, परभणी यांच्या हस्ते, परभणीचे खासदार संजय जाधव यांच्या अध्यक्षतेखाली झाले.”
