तुम्ही सर्वोत्तम जीवन जगत आहात का?

तुम्ही सर्वोत्तम जीवन जगत आहात का? तुम्ही तुमच्या उद्देशाच्या दिशेने यात्रा करत आहात की त्यापासून दूर जात आहात? तुम्ही ज्या पद्धतीने जगत आहात ते तसंच चालू ठेवून तुम्हाला स्वतःविषयीची हीच कथा चालू ठेवायची आहे की तुम्हाला वेगळ्या भवितव्याची अपेक्षा आहे?, असा सवाल केला आहे ‘द ग्रेटनेस माईंडसेट’ म्हणजेच महानतेची मानसिकता…, या पुस्तकाचे लेखक लुईस होवेस यांनी.

लुईस होवेस या न्यूयॉर्क टाइम्सच्या बेस्टसेलर लेखकाने त्यांच्या अभ्यासाअंती हे पुस्तक लिहिलं आहे, ज्यामध्ये आपल्या भूतकाळावर मात करून आपलं भविष्य अधिक शक्तिशाली आणि समृद्ध कसं करता येईल याविषयी मार्गदर्शन केलं आहे. वैयक्तिक अनुभव, शास्त्रशुद्ध धोरणे आणि जगप्रसिद्ध व यशस्वी लोकांच्या मार्गदर्शनामुळे तुम्ही सहजतेने पुढील गोष्टी करू शकाल: तुम्ही तुमचं अर्थपूर्ण मिशन ठरवून तुमच्या जीवनाच्या उद्देशाच्या दिशेने वाटचाल करू शकाल. तुमच्यामधील आत्मशंकेमागील खरं कारण काय आहे हे शोधून तुम्हाला मागे खेचणाऱ्या गोष्टींवर मात करू शकाल. स्वतःला निराश करणाऱ्या विचारांपासून मुक्त होऊन तुम्ही समृद्ध जीवन जगायला सुरुवात कराल. तुमच्यामधील महानतेला साध्य करून तुमच्या भोवतालच्या लोकांवर तुम्ही सकारात्मक परिणाम घडवू शकाल. या पुस्तकातील धडे आणि धोरणे अंमलात आणून तुम्ही महानतेच्या मानसिकतेच्या आधारे तुमच्या स्वप्नांना वास्तवात आणू शकाल. आजच तुमच्या मनातील शक्तीला जागृत करा आणि आजपासूनच महान आयुष्य जगायला सुरुवात करा.

‘द ग्रेटनेस माईंडसेट’, या पुस्तकाचा अनुवाद केला आहे प्रसाद ढापरे यांनी.

पुस्तकः ‘द ग्रेटनेस माईंडसेट’

पृष्ठे: ३२० किंमत: ३२५ ₹

दुसरे पुस्तक आहे ‘संवादकौशल्य आणि ऐकण्याची कला’. या पुस्तकात दिलेली साधी सोपी कौशल्ये आत्मसात केलीत तर तुम्ही जगातील कोणत्याही व्यक्तीशी मैत्री करू शकता. लेखक पॅट्रिक किंग यांनी या पुस्तकात म्हटले आहे की, आजच्या काळात ऐकण्याची कला ही एक महाशक्ती आहे. कुठलंही नातं; मग ते वैयक्तिक असो वा व्यावसायिक, जर आपल्याला घट्ट करायचं असेल, त्यात सुसंवाद आणायचा असेल तर समोरच्याचं म्हणणं ऐकून घेणं अतिशय महत्त्वाचं असतं. पण ते नुसतंच ऐकून चालत नाही तर एका विशिष्ट पद्धतीने ऐकावं लागतं. ते कसं? हे या पुस्तकातून तुम्हाला कळेल.

या पुस्तकात तुम्हाला कळेल की, लोक तुमच्याशी मनमोकळेपणाने का संवाद साधतील? संवादामध्ये बॉडी लँग्वेज, आवाजाचा टोन… यांचे महत्त्व. ऐकण्याच्या विविध शैली आणि त्या कशा वापराव्यात? तुम्ही ‘शिफ्ट रिस्पॉन्स’ देणाऱ्यांमध्ये मोडता की ‘सपोर्ट रिस्पॉन्स’ देणाऱ्यांमध्ये? ऐकण्याचे पाच स्तर.. भावनात्मक प्रतिभा (इमोशनल इंटेलिजन्स).

पुस्तकः संवादकौशल्य आणि ऐकण्याची कला

पाने: १६० किंमत: २२५ ₹ 

मायमिरर पब्लिशिंग हाऊस प्रकाशित ही दोन्ही पुस्तके दसरा ते दिवाळी सवलत योजनेखाली २५ टक्के सवलतीत मिळणार आहेत.

या दोन पुस्तकांची एकूण किंमत- ५५० ₹. सवलतीत- ४५० ₹.

पुस्तक खरेदीसाठी संपर्क- ग्रंथ संवाद वितरण (8383888148)