Homeचिट चॅटलाईफ रिपब्लिकमध्ये उद्यापासून...

लाईफ रिपब्लिकमध्ये उद्यापासून भव्य नवरात्रौत्सव!

पुण्याच्या मुळशी तालुक्यातल्या जांभे ग्रामपंचायतीत असलेल्या लाईफ रिपब्लिक टाऊनशिपमधील रहिवाशांकडून उद्यापासून म्हणजेच येत्या 22 तारखेपासून 2 ऑक्टोबरपर्यंत भव्य नवरात्रौत्सवाचे आयोजन करण्यात आले आहे. लाईफ रिपब्लिकमधील अग्निशमन केंद्राच्या बाजूला असलेल्या ए-३ येथील मैदानात यानिमित्ताने गरबा तसेच इतर भरगच्च कार्यक्रमांचे आयोजन करण्यात आले आहे.

या उत्सवात विविध क्षेत्रातल्या नामावंत कलाकारांकडून त्यांची कला सादर केली जाणार आहे. डीजे आणि त्यानुसार प्रकाशयोजना, नारीशक्ती सन्मान, महाआरती असे कार्यक्रम रोजच्या रोज आयोजित केले जातील. याखेरीज दोन ऑक्टोबरला रावणदहन तसेच गंगाआरती होणार आहे. उत्कृष्ट कला सादर करणाऱ्या पुरुष, महिला, जोडी तसेच समूह, या सर्वांना रोजच्यारोज बक्षिसे दिली जाणार आहेत. या कार्यक्रमात सर्वांना विनामूल्य प्रवेश असणार आहे. कार्यक्रमात सहभागी होणाऱ्या व्यक्तींच्या सुरक्षेसाठी सीसीटीव्ही कॅमेरा, पोलीस बंदोबस्त तसेच महिला बाउन्सर्स तैनात करण्यात येणार आहेत. तरी जास्तीतजास्त लोकांनी या कार्यक्रमात सहभागी होऊन नवरात्र महोत्सव साजरा करावा, असे आवाहन आयोजकांनी केले आहे. 

दरम्यान, या नवरात्रौत्सवाच्या जागेचे भूमिपूजन, भारतीय जनता पार्टीच्या नमो नमो संस्थेच्या प्रदेश उपाध्यक्षा नीती सिंग, युवा नेता अनुप गायकवाड, उद्योजक नागेश गायकवाड, विजय गायकवाड आदी मान्यवरांच्या प्रमुख उपस्थितीत संपन्न झाला. अनुप गायकवाड यांच्या मातोश्री जांभे गावाच्या पहिल्या महिला सरपंच होत. त्यांचे वडील विजय गायकवाड हेदेखील सामाजिक कार्यकर्ते आहेत.

1 COMMENT

Comments are closed.

Continue reading

दहावीतल्या निधी पावसकरचाही दुष्काळग्रस्तांना मदतीचा हात

संकटाच्या काळात मदतीचा हात पुढे करण्यासाठी वयाचे कोणतेही बंधन नसते, याचा आदर्श नुकताच मुंबईत पाहायला मिळाला. दहावीत शिकणाऱ्या निधी पावसकर या मुलीने आपल्या पिगी बँकेत साठवलेली १०,००० रुपयांची पुंजी मुख्यमंत्र्यांच्या दुष्काळ निधीसाठी नुकतीच सुपूर्द केली. 'वर्षा' या शासकीय निवासस्थानी...

आंतरमहाविद्यालयीन तायक्वांदो स्पर्धेत खालसा कॉलेज चमकले!

महाराष्ट्रातल्या रत्नागिरी येथील गोगटे-जोगळेकर महाविद्यालयात आयोजित करण्यात आलेल्या मुंबई विद्यापीठाच्या आंतरमहाविद्यालयीन तायक्वांदो स्पर्धेत माटुंगा येथील गुरु नानक खालसा महाविद्यालयाच्या खेळाडूंनी उल्लेखनीय कामगिरी करत ७ सुवर्ण, ३ रौप्य आणि ३ कांस्य अशी एकूण १३ पदके पटकावली. या उत्कृष्ट कामगिरीच्या जोरावर...

पं. हृदयनाथ मंगेशकरांच्या उपस्थितीने रंगला ‘आशाताई आणि मी’!

मुंबईतल्या बोरीवली पश्चिम येथील स्वररंग प्रतिष्ठान, या संस्थेने आयोजित केलेला भावगंधर्व पं. हृदयनाथ मंगेशकर यांचा 'आशाताई आणि मी' हा कार्यक्रम नुकताच प्रबोधनकार ठाकरे नाट्यमंदिर, बोरिवली येथे संपन्न झाला. यावेळी नव्वदीच्या घरात पोहोचलेले पं. हृदयनाथ मंगेशकर यांच्या उपस्थितीने रसिकांच्या तुडूंब...
Skip to content