लोकसभा निवडणुकीचा चौथा टप्प्यासाठी येत्या 13 मे रोजी मतदान होत असून त्यात 10 राज्ये आणि केंद्रशासित प्रदेशांमध्ये एकूण 1717 उमेदवार निवडणूक लढवत आहेत. या चौथ्या टप्प्यात 10 राज्ये आणि केंद्रशासित प्रदेशांमधील 96 लोकसभा मतदारसंघांत मतदान होणार आहे, यासाठी एकूण 4264 उमेदवारीअर्ज दाखल झाले. उमेदवारीअर्ज दाखल करण्याची शेवटची तारीख 25 एप्रिल 2024 होती. दाखल झालेल्या सर्व नामनिर्देशनपत्रांची छाननी केल्यानंतर 1970 उमेदवारीअर्ज वैध ठरले.
चौथ्या टप्प्यात तेलंगणातील 17 लोकसभा मतदारसंघातून सर्वाधिक 1488 उमेदवारीअर्ज दाखल झाले. त्याखालोखाल आंध्र प्रदेशातील 25 लोकसभा मतदारसंघांसाठी 1103 उमेदवारीअर्ज दाखल झाले. तेलंगणातील 7 – मलकाजगिरी लोकसभा मतदारसंघासाठी सर्वाधिक 177 उमेदवारीअर्ज दाखल झाले. त्याखालोखाल याच राज्यातील 13 – नलगोंडा आणि 14 – भोंगीर या दोन्ही मतदारसंघांसाठी प्रत्येकी 114 उमेदवारीअर्ज दाखल झाले आहेत. चौथ्या टप्प्यासाठी लोकसभा मतदारसंघांकरीता सरासरी 18 उमेदवार निवडणूक लढवत आहेत.
चौथ्या टप्प्यातील निवडणुकीचा राज्य / केंद्रशासित प्रदेशनिहाय तपशील
| राज्य / केंद्रशासित प्रदेश | चौथ्या टप्प्यातील लोकसभा मतदारसंघांची संख्या | प्राप्त झालेल्या नामनिर्देशनपत्रांची संख्या | छाननीनंतर वैध ठरलेल्या उमेदवारांची संख्या | अर्ज मागे घेतल्यानंतर निवडणूक लढवत असलेल्या उमेदवारांची अंतिम संख्या |
| आंध्र प्रदेश | 25 | 1103 | 503 | 454 |
| बिहार | 5 | 145 | 56 | 55 |
| जम्मू-काश्मीर | 1 | 39 | 29 | 24 |
| झारखंड | 4 | 144 | 47 | 45 |
| मध्य प्रदेश | 8 | 154 | 90 | 74 |
| महाराष्ट्र | 11 | 618 | 369 | 298 |
| ओडिशा | 4 | 75 | 38 | 37 |
| तेलंगणा | 17 | 1488 | 625 | 525 |
| उत्तर प्रदेश | 13 | 360 | 138 | 130 |
| पश्चिम बंगाल | 8 | 138 | 75 | 75 |
| एकूण | 96 | 4264 | 1970 | 1717 |
