लोकसभा निवडणुकीच्या दुसऱ्या टप्प्यात 12 राज्ये/केंद्रशासित प्रदेशांतील 1206 उमेदवार आणि बाह्य मणिपूर लोकसभा मतदारसंघाचे 4 उमेदवार, निवडणूक लढवणार आहेत.
दुसऱ्या टप्प्यासाठी 12 राज्ये/केंद्रशासित प्रदेशांतल्या 88 लोकसभा मतदारसंघांत 2633 उमेदवारीअर्ज दाखल झाले. दुसऱ्या टप्प्यातील मतदानाकरिता उमेदवारीअर्ज भरण्याची शेवटची तारीख 4 एप्रिल 2024 होती. दाखल झालेल्या 2633 नामांकनअर्जांच्या छाननीनंतर 1428 अर्ज वैध असल्याचे समोर आले. उमेदवारीअर्ज मागे घेण्याची अंतिम मुदत 8 एप्रिलपर्यंत होती. त्यानंतर 1206 उमेदवार प्रत्यक्ष रिंगणात राहिले.
दुसऱ्या टप्प्यात केरळमध्ये 20 लोकसभा मतदारसंघांत निवडणूक होत असून तेथून सर्वाधिक म्हणजे 500 अर्ज दाखल झाले आहेत. त्यापाठोपाठ कर्नाटकचा क्रमांक लागतो. तेथे 14 लोकसभा मतदारसंघांत 491 उमेदवार रिंगणात उतरले आहेत. त्रिपुरातील एका मतदारसंघात सर्वात कमी म्हणजे 14 अर्ज दाखल झाले आहेत. महाराष्ट्रातील नांदेड लोकसभा मतदारसंघात सर्वाधिक 92 अर्ज भरले गेले आहेत.
दुसऱ्या टप्प्याचा राज्य/केंद्रशासित प्रदेशनिहाय तपशीलः
| State/UT | Number of PCs | Nomination forms received | Valid candidates after scrutiny | After withdrawal, final ContestingCandidates |
| Assam | 5 | 118 | 62 | 61 |
| Bihar | 5 | 146 | 55 | 50 |
| Chhattisgarh | 3 | 95 | 46 | 41 |
| Jammu and Kashmir | 1 | 37 | 23 | 22 |
| Karnataka | 14 | 491 | 300 | 247 |
| Kerala | 20 | 500 | 204 | 194 |
| Madhya Pradesh | 7 | 157 | 93 | 88 |
| Maharashtra | 8 | 477 | 299 | 204 |
| Rajasthan | 13 | 304 | 191 | 152 |
| Tripura | 1 | 14 | 14 | 9 |
| Uttar Pradesh | 8 | 226 | 94 | 91 |
| West Bengal | 3 | 68 | 47 | 47 |
| Total | 88 | 2633 | 1428 | 1206 |
बाह्य मणिपूर लोकसभा मतदारसंघातील 15 विधानसभा मतदारसंघांत पहिल्या टप्प्यात म्हणजे 19 एप्रिल 2024 या दिवशी मतदान होत आहे. येथील 13 विधानसभा मतदारसंघांत दुसऱ्या टप्प्यात म्हणजे 26 एप्रिलला मतदान होणार आहे. 5 एप्रिल 2024च्या भारतीय राजपत्राद्वारे अधिसूचित केल्यानुसार, बाह्य मणिपूर लोकसभा मतदारसंघातून 4 उमेदवार निवडणूक लढवणार आहेत.
पहिल्या टप्प्यासाठी, 21 राज्ये/केंद्रशासित प्रदेशांतून 1625 उमेदवार निवडणूक रिंगणात उतरले असून, त्यांत 1491 पुरुष उमेदवारांचा व 134 महिला उमेदवारांचा समावेश आहे.
