Homeकल्चर +१२ ते १४...

१२ ते १४ एप्रिलदरम्यान मुंबईत संगीत नाटक महोत्सव

संगीत नाटकांची परंपरा जपण्यासाठी आणि त्या वैभवशाली रंगभूमीला पुन्हा एकदा रसिकांसमोर साकारण्यासाठी दरवर्षीप्रमाणे यंदाही मुंबईतल्या दादर माटुंगा सांस्कृतिक केंद्रातर्फे १२ ते १४ एप्रिल २०२४ या कालावधीत संगीत नाटक महोत्सवाचे आयोजन करण्यात येत आहे. विमल ट्रस्ट आणि दिलीप काटदरे यांच्या सहकार्याने या महोत्सवाचे आयोजन करण्यात येत आहे.

शुक्रवारी, १२ एप्रिलला अमृत नाट्य भारती, या मुंबई मराठी साहित्य संघ नाट्य शाखा प्रस्तुत ‘संगीत माऊली’ हे नाटक सादर होणार आहे. साहिल विशे, तन्वी गोरे, श्रेयस व्यास आणि डॉ. गौरी पंडित यांच्या प्रमुख भूमिका असलेल्या या नाटकाचे लेखक आणि गीतकार प्रदीप ओक असून दिग्दर्शन प्रमोद पवार आणि संगीत डॉ. राम पंडित यांचे आहे.

शनिवारी, १३ एप्रिल रोजी मराठी रंगभूमी, पुणे व गंधर्वभूषण जयराम शिलेदार संगीत नाट्य सेवा ट्रस्ट प्रस्तुत आणि कै. विद्याधर गोखले लिखित ‘संगीत सुवर्णतुला’ हे नाटक सादर होणार आहे. चिन्मय जोगळेकर, निनाद जाधव आणि अस्मिता चिंचाळकर यांच्या प्रमुख भूमिका असलेल्या या नाटकाचे दिग्दर्शन दिप्ती भोगले यांनी केले आहे.

रविवारी, १४ एप्रिलला कलाद्वयी, पुणे निर्मित प्रा. वसंत कानेटकर लिखित ‘संगीत मत्स्यगंधा’ हे नाटक सादर होणार आहे. चिन्मय जोगळेकर, संजय गोसावी, ओंकार खाडिलकर आणि अस्मिता चिंचाळकर

यांच्या प्रमुख भूमिका असलेल्या या नाटकाचे दिग्दर्शन आशुतोष नेर्लेकर व संगीत कै. पं. जितेंद्र अभिषेकी आणि संगीत मार्गदर्शन संजय गोगटे यांचे आहे.

ही तिन्ही नाटके दादर माटुंगा सांस्कृतिक केंद्राच्या वा. वा. गोखले वातानुकूलित सभागृहामध्ये दररोज सायंकाळी ६ वाजता सादर होणार आहेत. नाटकांच्या प्रवेशिकांसाठी सकाळी ११ ते सायंकाळी ७ या वेळेत मिळतील. अधिक माहितीसाठी दूरध्वनी क्र. ०२२-२४३०४१५० वर संपर्क करावा.

Continue reading

आता टोलनाका ओलांडतानाच तपासला जाणार गाडीचा विमा

वाहनचालकांसाठी महत्त्वाची बातमी आहे. राष्ट्रीय महामार्गावर टोलनाका ओलांडताना आता फास्टॅगद्वारे केवळ टोलच कापला जाणार नाही, तर वाहनाच्या थर्ड पार्टी विम्याची वैधताही तपासली जाणार आहे. भारतीय राष्ट्रीय महामार्ग प्राधिकरणाने (एनएचएआय)ने ही नवीन स्वयंचलित यंत्रणा सुरू केली आहे. सध्या प्रायोगिक तत्त्वावर...

आता ‘पीएफ’ची रक्कम घ्या नियमित हफ्त्याने

निवृत्तीनंतर पीएफचे पैसे एकाचवेळी काढायचे की हफ्त्याने घ्यायचे, हा प्रश्न आता सुटला आहे. कर्मचारी भविष्य निर्वाह निधी संघटना (ईपीएफओ)ने गुरुवारी सिस्टिमॅटिक विथड्रॉवल प्लॅन (एसडब्ल्यूपी)ला मंजुरी दिली. केंद्रीय कामगारमंत्री मनसुख मांडविया यांच्या अध्यक्षतेखाली झालेल्या केंद्रीय विश्वस्त मंडळ (सीबीटी)च्या २४०व्या बैठकीत...

मतदारयादीत नाव नाही? अर्ज करा ३० नोव्हेंबरपर्यंत!

महाराष्ट्रातील विशेष सखोल मतदारयादी पुनरिक्षण (एसआयआर)चे वेळापत्रक निवडणूक आयोगाने पुन्हा एकदा सुधारले आहे. केंद्रीय निवडणूक आयोगाचे अवर सचिव संदीप कुमार यांनी जारी केलेल्या पत्रानुसार, आता महाराष्ट्राची अंतिम मतदारयादी ३० नोव्हेंबरला नव्हे, तर मंगळवारी, २२ डिसेंबर २०२६ रोजी प्रसिद्ध होणार...
Skip to content