मुंबईत प्रभादेवी येथील सिद्धिविनायक मंदिरात “श्री”चरणी भक्तांनी अर्पण केलेल्या सोन्याच्या अलंकारांचा (श्रीगणेश प्रतिमा, लॉकेटस, मोदक, अंगठया, सोन्याच्या साखळया, हार इ.) जाहीर लिलाव सोमवार, दि. २५ डिसेंबर २०२३ रोजी सकाळी ११.०० ते सांयकाळी ५.०० या कालावधीत मंदिराच्या आतील परिसरात आयोजित करण्यात आला आहे.
लिलावासाठी उपलब्ध असलेले अलंकार लिलावादिवशी मंदिराच्या आवारात प्रदर्शनार्थ ठेवण्यात येतील. सदर प्रक्रिया पूर्णपणे शासन नियमाप्रमाणे होईल. लिलावासंबंधीचे सर्व अधिकार न्यासाने राखून ठेवलेले आहेत. श्रीसिध्दिविनायकाच्या सर्व भक्तांनी या लिलावात मोठया संख्येने सहभागी व्हावे, असे आवाहन न्यास व्यवस्थापन समितीने केले आहे.
