महाराष्ट्र रेशीम संचालनालयाने गट-क व गट-ड संवर्गातील भरती प्रक्रिया रद्द केली आहे.
रेशीम संचालयाने जाहिरात क्रमांक ०१/२०२०नुसार दि. १३ मार्च २०२० अन्वये गट-क व गट-ड संवर्गातील अनुसूचित जमाती या प्रवर्गातील वरिष्ठ तांत्रिक सहायक-२ व प्रयोगशाळा परिचर-१ सरळसेवेची पदे भरण्यासाठी पात्र व इच्छुक उमेदवारांकडून ऑफलाईन पध्दतीने अर्ज मागविण्याकरीता दि. १३ मार्च २०२० रोजी जाहिरात प्रसिद्ध करण्यात आली होती. ही भरती प्रक्रिया कोविड २०१९ व प्रशासकीय कारणामुळे राबविण्यात आली नाही.
रेशीम संचालनालयाच्या आस्थापनेवरील १२४ रिक्त असलेली पदे भरण्याचे प्रस्तावित आहे. या रिक्त पदांमध्ये वरील जाहिराती मधील अनुसूचित जमाती प्रवर्गाचे पदे समाविष्ठ असल्याने जाहिरात क्रमांक ०१/२०२० दि. १३ मार्च २०२० अन्वये प्रसिध्द करण्यात आलेली भरती पक्रिया रद्द करण्यात येत आहे, असे नागपूर येथील रेशीम संचालक गोरक्ष गाडीलकर यांनी आज एका परिपत्रकाद्वारे कळविले आहे.
