आंतरराष्ट्रीय संगीत दिनाचे औचित्य साधून मुंबईच्या दादर माटुंगा सांस्कृतिक केंद्रातर्फे सोमवार, दि. २ ॲाक्टोबर रोजी सायंकाळी ५.३० वाजता “वरदराज ॲंड फ्रेंड्स” या समूहाचा संगीत कार्यक्रम केंद्राच्या गोखले सभागृहात आयोजित करण्यात आला आहे.
या कार्यक्रमाचे वैशिष्ट्य असे की, यात भारतीय शास्त्रीय संगीत आणि पाश्चात्य संगीताचा सुरेल मिलाफ असून वरदराज भोसले यांची संकल्पना आणि दिग्दर्शन आहे. कार्यक्रमात वरदराज (सतार), ऋषिकेश (तबला), प्रतीक (कीबोर्ड), हर्ष (ड्रम), चैतन्य (गिटार) आणि प्रथमेश (बासरी) यांचा सहभाग आहे. संगीताला कुठलेही बंधन नसते, शब्दांचेही. मनात उमटणारे भाव संगीताच्या माध्यमातून लोकांपर्यंत पोहोचवून निखळ आनंदाचा अनुभव श्रोत्यांना द्यावा हीच हा कार्यक्रम सादर करण्यामागची कलाकारांची भावना आहे. त्यामुळे अधिकाधिक रसिकांनी याचा आनंद घ्यावा, असे आवाहन केंद्राच्या वतीने करण्यात आले आहे.
अधिक माहितीसाठी संपर्क- ०२२-२४३०४१५०.
