राज्याच्या महायुतीच्या सरकारमध्ये वाढत असलेले उपमुख्यमंत्री अजित पवार यांचे वर्चस्व कमी करण्यासाठी आता त्यांच्या सहकारी पक्षांनी पावले टाकली असून पवार यांच्याकडून घेतल्या जाणाऱ्या निर्मयांवर दुसरे उपमुख्यमंत्री देवेंद्र फडणवीस यांची नजर राहणार असल्याचे कळते.
अजित पवार यांना उपमुख्यमंत्रीपदाबरोबरच वित्त खाते सोपविण्यात आल्यानंतर सत्ताधारी भारतीय जनमता पार्टी तसेच शिवसेनेच्या गोटातल्या आमदारांना पुरेसा निधी मिळेल की नाही याबद्द साशंकता निर्माण झाली होती. त्यातच गेल्या काही दिवसांपासून पुण्याचे पालक मंत्री तथा राज्याचे उच्च व तंत्रशिक्षण मंत्री चंद्रकांत पाटील यांचा निधी अडविला गेल्याचीही रंगली होती. त्यानंतर त्यांनी पक्षाचे नेत फडणवीस तसेच मुख्यमंत्री एकनाथ शिंदे यांच्याकडेही तक्रार केल्याचे बोलले जात होते. सूत्रांनी दिलेल्या माहितीनुसार अशा तक्रारींवर आता तोडगा काढण्यात ला आहे. वित्तमंत्री तथा उपमुक्यमंत्री अजित पवार घेत असलेले निर्णय प्रथम उपमुख्यमंत्री फडणवीस यांच्या पाहणीसाठी जातील. त्यांनी मान्यता दिल्यानंतर अंतीम मान्यकरीता ते मुख्यमंत्र्यांकडे जातील. त्यामुळे पवार यांना सत्तेत राहताना आपल्या मित्रपक्षांचे पंख झाटण्यावर मर्यादा पडतील, असे बोलले जाते.
