राज्य मंत्रिमंडळाचा विस्तार अपेक्षित असतानाच केंद्र सरकारच्या मंत्रिमंडळात खांदेपालट होण्याची शक्यता असून त्यादृष्टीने हालचाली सुरू झाल्याचे दिसत आहे. काल रात्री केंद्रीय गृहमंत्री अमित शाह यांच्याबरोबर मुख्यमंत्री एकनाथ शिंदे तसेच उपमुख्यमंत्री देवेंद्र फडणवीस यांची चर्चा झाली. या चर्चेत केंद्रीय मंत्रिमंडळात शिवसेनेच्या दोघांचा समावेश करण्याचे निश्चित झाल्याचे कळते.
एका वर्षानंतर लोकसभेच्या निवडणुका होणार आहेत. त्यादृष्टीने केंद्रीय मंत्रिमंडळात खांदेपालट होणे अपेक्षित आहेत. यात काही जणांना घरी बसवले जाण्याची शक्यता असून काही जणांची खाती बदलली जाणार आहेत. या प्रक्रियेत शिवसेनेच्या एका कॅबिनेट तर एका राज्यमंत्र्याला मंत्रिमंडळात घेतले जाईल, असे बोलले जाते.
काल मुख्यमंत्री एकनाथ शिंदे यांनी पंढरपूरमध्ये श्री विठ्ठलाची शासकीय पूजा केली. यानंतर त्यांनी तेट दिल्ली गाठली. रात्री त्यांची अमित शाह यांच्यासोबत बैठक झाली. त्यानंतर या सर्व हालचालींना वेग आल्याचे बोलले जाते.
