मुंबई-पुणे द्रुतगती मार्गावरील लोणावळ्याजवळील ओव्हर ब्रिजवर मंगळवारी ऑईल टँकरला झालेल्या अपघातात ४ जणांचा मृत्यू झाला असून ३ जण जखमी झाले आहेत , अशी माहिती पुणे ग्रामीण पोलिसांनी दिली. यामुळे रस्त्यावर मोठी आग लागली असून त्यामुळे वाहतूक ठप्प झाली आहे. एक्स्प्रेस वेच्या एकाच बाजूचा वापर केला जात असल्याने वाहतुकीलाही अडथळा निर्माण होत आहे.
बचावकार्य युद्धपातळीवर हाती घेण्यात आले असून सध्या लोणावळा शहरातून वाहतूक वळवण्यात आली आहे. द्रूतगती मार्गावर मोठी वाहतूक कोंडी होऊ शकते, त्यामुळे बचावकार्य लवकर पूर्ण करण्याचे प्रयत्न सुरू आहेत. उलटलेल्या टँकरपासून सुमारे 10 फूट उंचीवर आगीच्या मोठ्या ज्वाळा उठताना दिसत आहेत. या घटनेत सांडलेल्या तेलामुळे लागलेली आग पुलाच्या खालीही दिसत आहे.
