येत्या 26 जुलैपासून सुरू होणाऱ्या पॅरिस ऑलिम्पिक स्पर्धेत सहभागी होणाऱ्या 117 भारतीय खेळाडूंमध्ये सशस्त्र दलातील 24 जवानांचा समावेश आहे. या 24 खेळाडूंमध्ये 22 पुरुष आहेत. भालाफेकपटू सुभेदार नीरज चोप्रा याचाही यात समावेश आहे. याशिवाय या चमूत पहिल्यांदाच दोन लष्करी महिला कर्मचारी ऑलिम्पिकमध्ये सहभागी होत आहेत.
2020 टोकियो ऑलिम्पिक सुवर्णपदक विजेता सुभेदार नीरज चोप्रा पुन्हा सर्वोच्च सन्मानासाठी मैदानात उतरणार आहे. 2023मधील आशियाई क्रीडा स्पर्धा तसेच जागतिक ऍथलेटिक्स चॅम्पियनशिप, 2024मधील डायमंड लीग आणि पावो नुर्मी क्रीडा स्पर्धेत चोप्राने सुवर्णपदक मिळवून असामान्य कामगिरी केली आहे. यामुळे पॅरिस ऑलिम्पिकमधील त्याचा सहभाग आणखी आश्वासक बनला आहे.
2022मधील राष्ट्रकुल क्रीडा स्पर्धेतला कांस्यपदक विजेता हवालदार जैस्मिन लॅम्बोरिया आणि 2023 आशियाई कुस्ती चॅम्पियनशिपमधील कांस्यपदक विजेती सीपीओ रितीका हुडा या दोघीही ऑलिम्पिक स्पर्धेत सहभागी होत आहेत. त्यांच्या रुपाने सशस्त्र सेना दलातील महिला कर्मचारी प्रथमच ऑलिम्पिकमध्ये सहभागी होणार आहेत. या स्पर्धेत यश संपादन करून इतिहास रचणे, हेच या दोघींचे ध्येय आणि स्वप्न आहे. या दोघी अनुक्रमे मुष्टीयुद्ध आणि कुस्ती या क्रीडा प्रकारात सहभागी होणार आहेत.
सुभेदार अमित पंघल (मुष्टीयुद्ध); सीपीओ तजिंदरपाल सिंग तूर (शॉट-पुट); सुभेदार अविनाश मुकुंद साबळे (3000 मी स्टीपलचेस); सीपीओ मोहम्मद अनस याहिया, पीओ (जीडब्ल्यू) मोहम्मद अजमल, सुभेदार संतोष कुमार तमिलरासन आणि जेडब्ल्युओ मिजो चाको कुरियन (4X400M पुरुष रिले); जेडब्ल्युओ अब्दुल्ला अबुबकर (तिहेरी उडी); सुभेदार तरुणदीप राय आणि सुभेदार धीरज बोम्मादेवरा (तिरंदाजी) आणि नायब सुभेदार संदीप सिंग (शूटिंग) सशस्त्र सेनेतील या जवानांचा भारतीय चमूत समावेश आहे.
ऑलम्पिक स्पर्धांमध्ये सहभागी होणाऱ्या सशस्त्र सेनेतील खेळाडू याप्रमाणे-
| क्रीडा प्रकार | रँक आणि नाव | श्रेणी |
| तिरंदाजी | सुभेदार धीरज बोम्मादेवरा | रिकर्व्ह इंडियल आणि चमू |
| सुभेदार तरुणदीप राय | ||
| सुभेदार प्रवीण रमेश जाधव | ||
| ऍथलेटिक्स | एसएसआर अक्षदीप सिंग | 20 किमी आरडब्ल्यू |
| पीओ विकास सिंग. | 20 किमी आरडब्ल्यू | |
| एसएसआर परमजीत बिष्ट. | 20 किमी आरडब्ल्यू | |
| पीओ सूरज पंवार | चालण्याची शर्यत मिश्र मॅरेथॉन | |
| सुभेदार अविनाश साबळे. | 3000 मीटर एससी | |
| सुभेदार मेजर नीरज चोप्रा. | भाला फेक | |
| सीपीओ तजिंदरपाल सिंग तूर. | पुरुषांचा गोळा फेक | |
| जेडब्ल्युओ अब्दुल्ला अबूबकर. | पुरुषांची तिहेरी उडी | |
| हवालदार सर्वेश कुशारे | पुरुषांची उंच उडी | |
| सीपीओ मोहम्मद अनस याहिया. | 4X400M पुरुष रिले | |
| पीओ(जीडब्ल्यु) मोहम्मद अजमल. | 4X400M पुरुष रिले | |
| सुभेदार संतोष कुमार तमिलरासन | 4X400M पुरुष रिले | |
| जेडब्ल्युओ मिजो चाको कुरियन | 4X400M पुरुष रिले | |
| मुष्टियुद्ध | सुभेदार अमित पंघाल. | पुरुषांची फ्लायवेट |
| हवालदार जैस्मिन लांबोरिया | महिलांची फेदरवेट | |
| हॉकी | सीपीओ जुगराज सिंग | पुरुष हॉकी राखीव |
| रोइंग | एसपीआर बलराज पंवार. | एम1एक्स (पुरुष एकेरी स्कल) |
| नौकानयन | सुभेदार विष्णु सरवणन | पुरुषांची एक व्यक्ती डिंगी |
| शूटिंग | नायब सुभेदार संदीप सिंग | 10 मीटर एअर रायफल |
| टेनिस | नायब सुभेदार श्रीराम बालाजी | पुरुष दुहेरी |
| कुस्ती | सीपीओ रितिका हुडा. | महिला 76 किलो वजनी गट (फ्रीस्टाईल) |
या 24 खेळाडूंव्यतिरिक्त पाच अधिकारीदेखील ऑलिम्पिकमध्ये भाग घेण्यासाठी पॅरिसला जात आहेत.
| क्रीडा प्रकार | नाव | भूमिका |
| मुष्टीयुद्ध | लेफ्टनंट कर्नल कबिलन साई अशोक | पंच |
| मुष्टीयुद्ध | सुभेदार सीए कटप्पा | प्रशिक्षक |
| तिरंदाजी | सुभेदार सोनम शेरिंग भुतिया. | प्रशिक्षक |
| नौकानयन | हवालदार सी एस देलाई | तंत्रज्ञान अधिकारी |
| नौकानयन | नायक पीव्ही शरद | फिजिओ |
