Tag: Adsul

महाराष्ट्र व कामगार दिनानिमित्त लाईफ इन्शुरन्स कार्पोरेशन ऑफ इंडिया पुरस्कृत विनाशुल्क शालेय खेळाडूंच्या राज्यस्तरीय सुपर लीग कॅरम स्पर्धेत राज्य ख्यातीचे कॅरमपटू रत्नागिरीची स्वरा मोहिरे, सार्थक केरकर, अमेय जंगम, वेदिका पोमेंडकर यांच्या एमडीसी ज्वेलर्स संघाने अजिंक्यपद पटकाविले. चुरशीच्या अंतिम सामन्यात एमडीसीच्या सार्थक केरकरने राष्ट्रीय ख्यातीची शालेय कॅरमपटू तनया दळवीला २५-० असा नील गेम देऊन एमडीसीने १-० असा दमदार प्रारंभ केला. प्रत्युत्तरादाखल जैतापूरच्या आर्यन राऊतने वेदिका पोमेंडकरला २५-० असा नील गेम देत सुरेश आचरेकर फिनिशर्सला १-१ अशी बरोबरी करून दिली. निर्णायक सामन्यात उदयोन्मुख शालेय कॅरमपटू अमेय जंगमने अर्णव गावडेला १७-११ असे...