राष्ट्रवादी काँग्रेसच्या अजित पवार गटाकडून माध्यमांमध्ये पक्षाची अधिकृत भूमिका मांडण्यासाठी १४ प्रवक्त्यांची नियुक्ती जाहीर केली आहे. प्रदेशाध्यक्ष खासदार सुनिल तटकरे यांनी आज ही घोषणा केली.
राष्ट्रवादी काँग्रेसच्या अजित पवार गटाचे राज्याचे मुख्य प्रवक्ते म्हणून उमेश पाटील तर राष्ट्रीय प्रवक्ते म्हणून अविनाश आदिक आणि ब्रिजमोहन श्रीवास्तव यांची नियुक्ती करण्यात आली आहे. प्रदेश प्रवक्ते म्हणून पक्षाचे ठाणे जिल्हाध्यक्ष आनंद परांजपे, आमदार अमोल मिटकरी, महिला प्रदेशाध्यक्षा रुपाली चाकणकर, संजय तटकरे, मुकेश गांधी, युवक प्रदेशाध्यक्ष सूरज चव्हाण, रुपाली ठोंबरे, प्रशांत पवार, मुजीब रुमाणे, ताराचंद म्हस्के-पाटील, सायली दळवी आदींचा यात समावेश आहे.
