इलेक्ट्रिक स्कूटर्सच्या डिझाईन, विकास, निर्मिती आणि विक्रीमध्ये विशेषता असलेल्या अग्रगण्य इलेक्ट्रिक वाहन स्टार्टअप, क्वांटम एनर्जीद्वारे व्यावसायिक डिलिव्हरीसाठी आदर्श ई-स्कूटर क्वांटम बिझनेसचे अनावरण करण्यात आले.
क्वांटम बिझनेस रेंज ९९०००* रुपयांच्या आकर्षक किंमतीत सुरू होते. कंपनीने एचडीएफसी, आयसीआयसीआय आणि काही एनबीएफसीसारख्या प्रमुख बँकांशी करार केला आहे, जेणेकरून ते फ्लीट ऑपरेटर आणि लास्ट माइल डिलिव्हरी कंपन्यांसाठी आकर्षक बनू शकेल. ही आकर्षक दिसणारी आधुनिक व्यावसायिक इलेक्ट्रिक स्कूटर, १२०० व्हॉट्स उच्च-कार्यक्षमतेच्या मोटरद्वारे शक्तीचालित आहे. ती ५५ कि.मी. प्रतितास टॉपच्या वेगापर्यंत पोहोचू शकते आणि फक्त ८ सेकंदात, ० ते ४० कि.मी. प्रतितास गती वाढवू शकते.
क्वांटम बिझनेस इलेक्ट्रिक स्कूटरमध्ये एका पूर्ण बॅटरी चार्जवर १३०* कि.मी. (ड्रायव्हिंग पॅटर्नवर अवलंबून) जाता येते. त्यामुळे ती व्यावसायिक उपयोगांसाठी आदर्श बनते. अधिक महत्त्वाचे म्हणजे, या उत्पादनात रिमोट लॉक-अनलॉक; चोरी-विरोधी अलार्म; यूएसबी चार्जर; डिस्क ब्रेक; एलसीडी डिस्प्लेसह काही वैशिष्ट्ये आहेत.
क्वांटम एनर्जी लिमिटेडचे संचालक, चेताना चुक्कापल्ली म्हणाले की, भारतात, दुचाकी चालवणारे लोक वाहतुकीव्यतिरिक्त वस्तू वाहून नेण्यापासून ते दोन चाकांवर व्यवसाय चालवणे अशा विविध उद्देशांसाठी दुचाकींचा वापर करतात. बाजारातील ही कमतरता ओळखून, आम्ही क्वांटम एनर्जी येथे, आमच्या ई-स्कूटरमधील विश्वसनीयता आणि सुरक्षिततेवर जोर देत सूक्ष्म गतिशीलता उद्योगात नवीन मानके निश्चित करण्याचा विचार करतो. आम्ही बी२बी फ्लीट कंपन्या, डिलिव्हरी कंपन्या, राइड शेअरिंग कंपन्या आणि बी२सीसह ग्राहकांच्या विस्तृत श्रेणीसाठी उपलब्ध करून देण्यासाठी कमी किंमतीत या दुचाकी आणल्या आहेत.
क्वांटम बिझनेसचे हे नवीन मॉडेल, एक सुधारित एलएफपीबॅटरी, शक्तिशाली हेडलॅम्प, आरामदायक राईडसाठी एक व्यापक आसन, बहुउद्देशीय वापरासाठी एक मजबूत कार्गो रॅक, मोठ्या फ्लॅट फूटबोर्डसह अधिक लोड आणि अधिक महत्त्वाचे म्हणजे, चांगली स्थिरता आणि हाताळणीसाठी १२” लांब व्हीलबेस सुसज्ज आहे. याव्यतिरिक्त, हे उत्पादन, ३ वर्षे किंवा ९०,००० कि.मी. बॅटरीच्या वॉरंटीद्वारे संरक्षित आहे.
