रसभरीत कथाकथन करण्यात भारतीयांचा हात कोणीही धरू शकत नाही. नवीन युगातली विमानवाहतूक कंपनी व्हिएतजेटने भारतातील जोडप्यांकरिता ‘लव्ह कनेक्शन २०२३’, या जोडप्यांच्या कथाकथनाची स्पर्धा आयोजित केली होती. स्पर्धेच्या चार महिन्यांच्या काळात या स्पर्धेत अनेक अद्वितीय रोमँटिक प्रेमकथा असलेल्या भारतभरातील जोडप्यांकडून तब्बल दीड लाखांहून अधिक मते मिळाली. त्यामुळे अद्वितीय कथाकथनाद्वारे वैशिष्ट्यपूर्ण रोमांससह शेकडो प्रतिस्पर्ध्यांवर मात करत भारतातली ७७ जोडपी यंदाचे विजेते ठरले.
विजेत्यांना व्हिएतनामची प्रसिद्ध सांस्कृतिक, आर्थिक व पर्यटन केंद्रे, हनोई, दा नांग, हो ची मिन्ह सिटी, फू क्वॉक येथील विमानाची तिकिटे व रोमँटिक हनीमून टूरची बक्षिसे मिळाली. यासाठी प्रवासाचा कालावधी १३ फेब्रुवारी २०२३ ते ३० जून २०२३पर्यंतचा असणार आहे. विजेत्यांची घोषणा मुंबईत नुकत्याच झालेल्या एका कार्यक्रमात करण्यात आली. तसेच विजेत्यांची यादी लव्हकनेक्शन.व्हिएतजेटएअर, या संकेतस्थळावर प्रकाशित करण्यात आली आहे. विशेषतः या जोडप्यांना व्हिएतजेटच्या भागीदारांद्वारे प्रदान करण्यात आलेल्या जगातली अग्रगण्य निवाससेवा विन पर्ल, आना मंदारा, रॉयल हा लॉन्ग, फुरामा यांचादेखील अनुभव घेता येणार आहे.
विजेत्या जोडप्यांचे प्रतिनिधीत्व करत एक जोडपे मनुभा – आशा म्हणाले की, ‘‘व्हिएतजेटकडून मिळालेली ही भेट अर्थपूर्ण आहे. ती बालपणीच्या मैत्रीतून जपलेल्या प्रेमकथेच्या आठवणींनी भरलेली आहे. आशा आहे की, व्हिएतजेट नजीकच्या भविष्यात, विशेषतः तरुणांसाठी चांगली उड्डाणसेवा आणण्यासाठी भारतीय व्यक्तींशी कायम संलग्न राहिल.’’
व्हिएतजेटचे उपाध्यक्ष डो जुआन क्वांग यांनी विजेत्या जोडप्यांचे अभिनंदन केले आणि म्हणाले की, ‘‘लव्ह कनेक्शन हा, व्हिएतजेटने भारतीयांना व्हिएतजेटसह उड्डाण करण्याची संधी देण्यासाठी डिझाइन केलेला विशेष उपक्रम आहे. हा उपक्रम वेळोवेळी भारतीय प्रवाशांचे प्रेम आणि पाठिंबा देता. त्याबद्दल एअरलाइन कृतज्ञ आहे. आम्हाला आशा आहे की, व्हिएतजेट अधिकाधिक भारतीय पर्यटकांना त्यांच्या व्हिएतनाम आगमनासाठी, विशेषत: जोडप्यांना त्यांच्या सुट्टीत व्हिएतनामचे सौंदर्य पाहण्यासाठी सेवा देऊ शकेल आणि विविध क्षेत्रात व्हिएतनाम व भारत यांच्यातील द्विपक्षीय सहकार्य संबंधांमध्ये महत्त्वपूर्ण योगदान देईल.’’
व्हिएतजेट सध्या व्हिएतनाम व भारतादरम्यान हनोई, हो ची मिन्ह सिटी आणि दा नांग यांना नवी दिल्ली, मुंबई, अहमदाबाद, या भारतातील मोठ्या शहरांशी जोडणारी थेट उड्डाणे असलेली विमानसेवा आहे.
