मुंबईतल्या दादर माटुंगा सांस्कृतिक केंद्राच्या वतीने येत्या रविवारी, १५ फेब्रुवारीला सायंकाळी पाच वाजता राधिका जोशी यांच्या गायनाचा कार्यक्रम आयोजित करण्यात आला आहे. उस्ताद खादिम हुसैन खाँ यांच्या स्मृतीप्रित्यर्थ हा कार्यक्रम होईल. यावेळी तबल्यावर प्रणव गुरव तर संवादिनीवर सौमित्र क्षीरसागर त्यांना साथ देतील. अधिकाधिक रसिकांनी यावेळी सहभागी व्हावे, असे आवाहन दादर माटुंगा सांस्कृतिक केंद्राच्या वतीने करण्यात आले आहे. अधिक माहितीसाठी संपर्क– ०२२-२४३०४१५०.
राधिका जोशी, या जयपूर अत्रौली घराण्याच्या भारतीय शास्त्रीय गायिका आहेत. त्या गानसरस्वती किशोरी आमोणकर यांच्या वरिष्ठ शिष्या पं. रघुनंदन पणशीकर यांच्या शिष्या आहेत. कोलकाता येथील संगीत संशोधन अकादमीमध्ये पद्मविभूषण गिरिजा देवी यांच्याकडून त्यांनी अर्धशास्त्रीय संगीताचाही अभ्यास केला आहे. राधिका एक बहुमुखी गायिका आहेत आणि ऑल इंडिया रेडिओच्या शास्त्रीय तसेच हलक्या शास्त्रीय (ठुमरी, दादरा, काजरी, होरी, इत्यादी) संगीतात ग्रेड मिळवलेल्या काही गायिकांपैकी त्या एक आहेत.
