Saturday, June 22, 2024
Homeकल्चर +नीला भागवत, इला...

नीला भागवत, इला भाटे, वनिता खरात आदींना ‘दादर-माटुंगा’ पुरस्कार!

मुंबईच्या दादर माटुंगा सांस्कृतिक केंद्रातर्फे दरवर्षीप्रमाणे यंदाही रंगकर्मींना वार्षिक पुरस्कार वितरण सोहळा आयोजित करण्यात आला आहे. विविध क्षेत्रातील उत्कृष्ट कलाकारांना हा पुरस्कार देण्यात  येतो. यावर्षीचे पुरस्कार जाहीर करण्यात आले असून त्याचे वितरण शुक्रवार, २६ जानेवारी २०२४ या दिवशी सायंकाळी पाच वाजता केंद्राच्या गोखले सभागृहात होईल. यंदाच्या पुरस्कार विजेत्यांमध्ये नीला भागवत, इला भाटे, वनिता खरात, नीरज शिरवईकर, शशिकला कैकिणी आदींचा समावेश आहे.

यंदा संगीत शिक्षक जीवन गौरव पुरस्कार शशिकला कैकिणी यांना तर ज्येष्ठ कलाकार पुरस्कार नीला भागवत यांना देण्यात येईल. ज्येष्ठ रंगकर्मी हा पुरस्कार इला भाटे यांना आणि उत्कृष्ट नाट्यदिग्दर्शक हा पुरस्कार नीरज शिरवईकर यांना देण्यात येईल. उत्कृष्ट प्रवासवर्णन पुस्तकाचा पुरस्कार रवि वाळेकर यांना ‘इजिप्सी‘ या पुस्तकासाठी देण्यात येईल. उत्कृष्ट विनोदी अभिनेत्री हा पुरस्कार वनिता खरात यांना तर संगीत-नाट्य रंगभूमीवरील उदयोन्मुख अभिनेत्रीचा पुरस्कार डॅा. गौरी पंडित यांना देण्यात येईल.

संगीत विशारद या अखिल भारतीय गांधर्व महाविद्यालयाच्या परिक्षेत दादर-माटुंगा भागातून प्रथम क्रमांक मिळवणारे डॅा. प्रबोध चोबे आणि अदिती करंबेळकर यांना पुरस्कार देण्यात येतील. पुरस्कार वितरणानंतर ‘नायजेरियावर बोलू काही’ हा नायजेरियाच्या वास्तव्यातील रंजक किस्से सांगणारा मेधा अलकरी यांचा दृक्श्राव्य कार्यक्रम होईल.

अधिकाधिक रसिकांनी यावेळी उपस्थित रहावे, असे आवाहन दादर माटुंगा सांस्कृतिक केंद्राच्या वतीने करण्यात आले आहे.

Continue reading

न्यूयॉर्कनंतर १०० किलोमीटर जलबोगदे असणारे शहर म्हणजे मुंबई

मुंबईतल्या अमर महल ते वडाळा व पुढे परळपर्यंतच्या ९.७ किलोमीटर लांबीच्या जलबोगद्याचे खोदकाम 'टीबीएम' संयंत्राद्वारे पूर्ण झाले आहे. या भूमिगत जल बोगदा प्रकल्पांतर्गत वडाळा ते परळदरम्यान ५.२५ किलोमीटर लांबीच्या दुसऱ्या टप्प्याच्या जलबोगद्याचा 'ब्रेक थ्रू' आज महानगरपालिका आयुक्त तथा प्रशासक...

देशातल्या 8 लोकसभा मतदारसंघांच्या काही मतांची होणार पडताळणी

भारत निवडणूक आयोगाने 1 जून 2024 रोजी जारी केलेल्या मानक कार्यप्रणालीच्या अनुषंगाने, नुकत्याच झालेल्या लोकसभा आणि राज्य विधानसभेच्या निवडणुकांचे निकाल जाहीर झाल्यानंतर, ईव्हीएमची बर्न्ट मेमरी/मायक्रोकंट्रोलर तपासणी/पडताळणीसाठी अनुक्रमे 8 आणि 3 अर्ज प्राप्त झाले आहेत. याचा तपशील पुढीलप्रमाणे: लोकसभा आम चुनाव 2024ईवीएम जांच...

कायद्याच्या पदवीधरांना करिअरच्या अनेक संधी

कोणत्याही क्षेत्रात कायदेशीर अडचणींना तोंड द्यावे लागले, की सर्वांना गरज पडते ती वकिलांची! खासगी असू दे किंवा सार्वजनिक क्षेत्र; प्रत्येक क्षेत्रात केव्हा ना केव्हा वकिलांची आवश्यकता भासत असतेच. फक्त कंपन्या किंवा सरकारी कार्यालयेच नाही तर वैयक्तिक पातळीवरही कायदेशीर अडचणी...
error: Content is protected !!