Details
अंधेरीच्या राजाची आज भव्य विसर्जन मिरवणूक!
17-Sep-2019
”
केएचएल न्यूज ब्युरो
राज्यातील जवळजवळ सर्व गणपतींचे विसर्जन अनंत चतुर्दशीला होते. मात्र नवसाला पावणारा गणपती म्हणून प्रसिद्ध असलेल्या मुंबईतील अंधेरीच्या राजाचे १९७४पासून दरवर्षी संकष्टीला विसर्जन होते. आझाद नगर मेट्रो रेल्वेस्थानकापासून जवळ असलेल्या अंधेरीच्या राजाच्या दर्शनाला सेलिब्रेटींसह अनेक गणेश भाविकांनी यंदादेखील मोठी गर्दी केली होती.
आज मंगळवार दि. १७ रोजी आंगारकी संतष्टी चतुर्थीचा दुर्मीळ योग आला आहे आणि आजच या गणपतीच्या विसर्जनाची मिरवणूक निघत आहे, अशी माहिती समितीचे प्रमुख मार्गदर्शक व मुंबई महापालिकेच्या स्थायी समितीचे माजी अध्यक्ष यशोधर (शैलेश) फणसे यांनी दिली.
आज संध्याकाळी ६ वाजता आझादनगर २ येथील गणेश मंडपातून सजवलेल्या ट्रकमध्ये अंधेरीच्या राजाची मूर्ती ठेवण्यात येईल. त्यानंतर सुमारे १५०००हून अधिक गणेशभक्तांच्या उपस्थितीत अंधेरीच्या राजाची भव्य मिरवणूक निघेल. आझाद नगर, आंबोली, अंधेरी मार्केट, एस. व्ही. रोड, जयप्रकाश रोड, राजकुमार, अपना बाजार, चार बंगला, सात बंगला, गंगाभवनमार्गे वेसावे समुदकिनारी दुसऱ्या दिवशी बुधवार, दि. १८ रोजी दुपारी पोहोचेल. त्यानंतर दिवंगत नगरसेवक मोतीराम भावे यांच्या कुटुंबियांनी अंधेरीच्या राजाची यथासांग पूजा केल्यावर दुपारी २ वाजता १८ तासांच्या भव्य मिरवणुकीनंतर अंधेरीच्या राजाला मांडवी गल्ली गणेश विसर्जन मंडळाचे कार्यकर्ते वेसाव्याच्या खोल समुद्रात खास बोटीतून भावपूर्ण निरोप देतील असेही ते म्हणाले.
१९७३ साली येथील आझाद नगरमध्ये राहत असलेले आणि गोल्डन टोबॅको, एक्सल, टाटा स्टील आणि अन्य कारखान्यांत काम करणाऱ्या कर्मचाऱ्यांचे कारखाने बंद पडले होते. आमचे कारखाने लवकर सुरू होऊ देत म्हणून आम्ही संकष्टीला विसर्जन करू असा नवस अंधेरीच्या राजाला केला आणि कारखाने परत सुरू झाले. त्यामुळे १९७४पासून अंधेरीच्या राजाचे दरवर्षी संकष्टीला सायंकाळी विसर्जनाची मिरवणूक निघते. या मिरवणुकीदरम्यान विद्युत रोषणाई करण्यात येते. महिला ठिकठिकाणी रांगोळी काढून आणि अंधेरीच्या राजाला ओवाळतात तर अनेक गणेशभक्त अंधेरीच्या राजाचे दर्शन घेतल्यावर संकष्टीचा उपवास सोडतात. मिरवणुकीच्या मार्गक्रमणात गणेशभक्तांसाठी अल्पोपहार आणि पाण्याची व्यवस्थादेखील अनेक संस्था व दानशूर करतात. अंधेरी मार्केट येथील अल्पसंख्याक बांधव दिवाळीत आपला फटाक्यांचा धंदा चांगला होण्यासाठी अंधेरीच्या राजाचे दर्शन घेतात, अशी माहिती समितीचे खजिनदार सुबोध चिटणीस आणि सहखजिनदार सचिन नायक यांनी दिली.
दरवर्षी हुबेहूब देखावे साकार करणाऱ्या या समितीने यंदा उज्जैन येथील महाकलेश्वर मंदिराची हुबेहूब प्रतिकृती साकार केली होती. येथील देखावा व विशेष करून अंधेरीच्या राजाचे दर्शन घेण्यासाठी भाविकांनी मोठी गर्दी केली होती अशी माहिती समितीचे सचिव विजय सावंत व उदय सालीयन यांनी दिली.”
केएचएल न्यूज ब्युरो
राज्यातील जवळजवळ सर्व गणपतींचे विसर्जन अनंत चतुर्दशीला होते. मात्र नवसाला पावणारा गणपती म्हणून प्रसिद्ध असलेल्या मुंबईतील अंधेरीच्या राजाचे १९७४पासून दरवर्षी संकष्टीला विसर्जन होते. आझाद नगर मेट्रो रेल्वेस्थानकापासून जवळ असलेल्या अंधेरीच्या राजाच्या दर्शनाला सेलिब्रेटींसह अनेक गणेश भाविकांनी यंदादेखील मोठी गर्दी केली होती.
“आज मंगळवार दि. १७ रोजी आंगारकी संतष्टी चतुर्थीचा दुर्मीळ योग आला आहे आणि आजच या गणपतीच्या विसर्जनाची मिरवणूक निघत आहे, अशी माहिती समितीचे प्रमुख मार्गदर्शक व मुंबई महापालिकेच्या स्थायी समितीचे माजी अध्यक्ष यशोधर (शैलेश) फणसे यांनी दिली.”
“आज संध्याकाळी ६ वाजता आझादनगर २ येथील गणेश मंडपातून सजवलेल्या ट्रकमध्ये अंधेरीच्या राजाची मूर्ती ठेवण्यात येईल. त्यानंतर सुमारे १५०००हून अधिक गणेशभक्तांच्या उपस्थितीत अंधेरीच्या राजाची भव्य मिरवणूक निघेल. आझाद नगर, आंबोली, अंधेरी मार्केट, एस. व्ही. रोड, जयप्रकाश रोड, राजकुमार, अपना बाजार, चार बंगला, सात बंगला, गंगाभवनमार्गे वेसावे समुदकिनारी दुसऱ्या दिवशी बुधवार, दि. १८ रोजी दुपारी पोहोचेल. त्यानंतर दिवंगत नगरसेवक मोतीराम भावे यांच्या कुटुंबियांनी अंधेरीच्या राजाची यथासांग पूजा केल्यावर दुपारी २ वाजता १८ तासांच्या भव्य मिरवणुकीनंतर अंधेरीच्या राजाला मांडवी गल्ली गणेश विसर्जन मंडळाचे कार्यकर्ते वेसाव्याच्या खोल समुद्रात खास बोटीतून भावपूर्ण निरोप देतील असेही ते म्हणाले.”
“१९७३ साली येथील आझाद नगरमध्ये राहत असलेले आणि गोल्डन टोबॅको, एक्सल, टाटा स्टील आणि अन्य कारखान्यांत काम करणाऱ्या कर्मचाऱ्यांचे कारखाने बंद पडले होते. आमचे कारखाने लवकर सुरू होऊ देत म्हणून आम्ही संकष्टीला विसर्जन करू असा नवस अंधेरीच्या राजाला केला आणि कारखाने परत सुरू झाले. त्यामुळे १९७४पासून अंधेरीच्या राजाचे दरवर्षी संकष्टीला सायंकाळी विसर्जनाची मिरवणूक निघते. या मिरवणुकीदरम्यान विद्युत रोषणाई करण्यात येते. महिला ठिकठिकाणी रांगोळी काढून आणि अंधेरीच्या राजाला ओवाळतात तर अनेक गणेशभक्त अंधेरीच्या राजाचे दर्शन घेतल्यावर संकष्टीचा उपवास सोडतात. मिरवणुकीच्या मार्गक्रमणात गणेशभक्तांसाठी अल्पोपहार आणि पाण्याची व्यवस्थादेखील अनेक संस्था व दानशूर करतात. अंधेरी मार्केट येथील अल्पसंख्याक बांधव दिवाळीत आपला फटाक्यांचा धंदा चांगला होण्यासाठी अंधेरीच्या राजाचे दर्शन घेतात, अशी माहिती समितीचे खजिनदार सुबोध चिटणीस आणि सहखजिनदार सचिन नायक यांनी दिली.”
दरवर्षी हुबेहूब देखावे साकार करणाऱ्या या समितीने यंदा उज्जैन येथील महाकलेश्वर मंदिराची हुबेहूब प्रतिकृती साकार केली होती. येथील देखावा व विशेष करून अंधेरीच्या राजाचे दर्शन घेण्यासाठी भाविकांनी मोठी गर्दी केली होती अशी माहिती समितीचे सचिव विजय सावंत व उदय सालीयन यांनी दिली.
