Details
भांडारकर प्राच्यविद्या संशोधन केंद्रात रंगला पुस्तक प्रदर्शनाचा सोहळा!
01-Jul-2019
”
केएचएल न्यूज ब्युरो
पुण्याच्या भांडारकर प्राच्यविद्या संशोधन मंदिर आणि डायमंड पब्लिकेशन्स यांच्या संयुक्त विद्यमानं बुधवारी दुर्मिळ पुस्तकांच्या डिजीटल लायब्ररीचं (www.borilib.com) उद्घाटन झालं. प्रसिद्ध लेखक द. मा. मिरासदार यांच्या उपस्थितीत प्रसिद्ध पुरातत्त्व शास्त्रज्ञ डॉ. गो. ब. देगलुरकर यांनी त्याचं उद्घाटन केलं. पुण्याच्या महापौर मुक्ता टिळक, माजी खासदार प्रदीप रावत, राहुल सोलापूरकर आदी यावेळी उपस्थित होते.
यानंतर बोरी पब्लिकेशन्स तसंच डायमंड पब्लिकेशन्स यांच्या वेगवेगळ्या विषयांवरच्या पुस्तकांचं उद्घाटन मिरासदार यांच्या हस्ते झालं. इतिहास, तत्त्वज्ञान, धार्मिक आदी वेगवेगळ्या विषयांवरच्या पुस्तकांचा या प्रदर्शनात समावेश आहे. २६ डिसेंबरपर्यंत हे प्रदर्शन सकाळी १० ते सायंकाळी ८, या वेळेत सर्वांसाठी खुलं राहणार आहे. यानंतर देगलुरकर यांनी वेरूळ लेण्यांच्या सौंदर्यावर, वेरूळ – एक अप्रतिम शिल्प, या विषयावर व्याख्यान दिलं.
याच संस्थेच्या प्रांगणात येत्या शुक्रवारी संध्याकाळी सहा वाजता मुलाखतकाराची मुलाखत, हा कार्यक्रम होणार आहे. यात ज्येष्ठ पत्रकार शैलेंद्र परांजपे प्रसिद्ध निवेदक सुधीर गाडगीळ यांची प्रकट मुलाखत घेतील.
या कार्यक्रमाचं अंतीम पुष्प बुधवारी, २६ डिसेंबरला गुंफलं जाईल. त्यादिवशी संध्याकाळी सहा वाजता नियोजित ९२व्या अखिल भारतीय मराठी साहित्य संमेलनाच्या अध्यक्षा, ज्येष्ठ कवयित्री डॉ. अरूणा ढेरे यांचा सत्कार केला जाईल. त्यानंतर ढेरे यांचे मुक्तचिंतनही होईल.”
“केएचएल न्यूज ब्युरो
पुण्याच्या भांडारकर प्राच्यविद्या संशोधन मंदिर आणि डायमंड पब्लिकेशन्स यांच्या संयुक्त विद्यमानं बुधवारी दुर्मिळ पुस्तकांच्या डिजीटल लायब्ररीचं (www.borilib.com) उद्घाटन झालं. प्रसिद्ध लेखक द. मा. मिरासदार यांच्या उपस्थितीत प्रसिद्ध पुरातत्त्व शास्त्रज्ञ डॉ. गो. ब. देगलुरकर यांनी त्याचं उद्घाटन केलं. पुण्याच्या महापौर मुक्ता टिळक, माजी खासदार प्रदीप रावत, राहुल सोलापूरकर आदी यावेळी उपस्थित होते.
यानंतर बोरी पब्लिकेशन्स तसंच डायमंड पब्लिकेशन्स यांच्या वेगवेगळ्या विषयांवरच्या पुस्तकांचं उद्घाटन मिरासदार यांच्या हस्ते झालं. इतिहास, तत्त्वज्ञान, धार्मिक आदी वेगवेगळ्या विषयांवरच्या पुस्तकांचा या प्रदर्शनात समावेश आहे. २६ डिसेंबरपर्यंत हे प्रदर्शन सकाळी १० ते सायंकाळी ८, या वेळेत सर्वांसाठी खुलं राहणार आहे. यानंतर देगलुरकर यांनी वेरूळ लेण्यांच्या सौंदर्यावर, वेरूळ – एक अप्रतिम शिल्प, या विषयावर व्याख्यान दिलं.
याच संस्थेच्या प्रांगणात येत्या शुक्रवारी संध्याकाळी सहा वाजता मुलाखतकाराची मुलाखत, हा कार्यक्रम होणार आहे. यात ज्येष्ठ पत्रकार शैलेंद्र परांजपे प्रसिद्ध निवेदक सुधीर गाडगीळ यांची प्रकट मुलाखत घेतील.
या कार्यक्रमाचं अंतीम पुष्प बुधवारी, २६ डिसेंबरला गुंफलं जाईल. त्यादिवशी संध्याकाळी सहा वाजता नियोजित ९२व्या अखिल भारतीय मराठी साहित्य संमेलनाच्या अध्यक्षा, ज्येष्ठ कवयित्री डॉ. अरूणा ढेरे यांचा सत्कार केला जाईल. त्यानंतर ढेरे यांचे मुक्तचिंतनही होईल.”
