Details
ललित कला अकादमीचे प्रदर्शन 16 एप्रिलपर्यंत सुरू!
01-Jul-2019
”
शाळा–महाविद्यालयांच्या परीक्षांच्या पार्श्वभूमीवर निर्णय
केएचएल न्यूज ब्युरो
[email protected]
ललित कला अकादमीच्या मुंबईत सुरू असलेल्या साठाव्या राष्ट्रीय प्रदर्शनाची मुदत 8 एप्रिलवरून 16 एप्रिल 2019 पर्यंत वाढवण्यात आली आहे. सध्या उन्हाळा आणि परीक्षांचे दिवस, यामुळे अनेक विद्यार्थी तसेच सर्वसामान्य नागरिक इच्छा असूनही प्रदर्शन बघायला येऊ शकत नाहीत. 25 मार्चपासून सुरू असलेले हे प्रदर्शन आणि कला मेळ्याचे रसिकांकडून कौतुक होत आहे, हळूहळू प्रदर्शन बघायला येणाऱ्या लोकांची संख्या वाढत आहे, हे लक्षात घेऊन आम्ही सर जे. जे. स्कूल ऑफ आर्ट्सच्या इमारतीत सुरू असलेल्या या प्रदर्शनाची मुदत 16 एप्रिलपर्यंत वाढवण्याचा निर्णय घेतला, अशी माहिती ललित कला अकादमीचे अध्यक्ष डॉ. उत्तम पाचारणे यांनी सांगितले. परीक्षा संपल्यानंतर विद्यार्थी मोठ्या संख्येने हे प्रदर्शन बघायला येतील, अशी अपेक्षाही पाचारणे यांनी व्यक्त केली.
अनेक वर्षांनी मुंबईला ह्या कला प्रदर्शनाचे यजमानपद मिळाले आहे. सर जे. जे. स्कूल ऑफ आर्ट्समध्ये सरू असलेल्या या प्रदर्शनातून ललित कला क्षेत्रातील उदयोन्मुख कलाकारांना नाव, कीर्ती आणि पैसा मिळवून देणारे एक मोठे व्यासपीठ आहे. तसेच, ललित कलांना सर्वसामान्य लोकांपर्यत पोहोचवण्याचे एक माध्यम आहे. कला मेळ्यात एकूण 120 स्टॉल आहेत ज्यात पेंटिंग्ज, मूर्तीकला, मिश्र माध्यम याच्यासह अनेक माध्यमांतील कलांचे सादरीकरण आहे. विविध प्रदेशांच्या पारंपरिक चित्रशैली, स्थानिक प्रदेशातील संस्कृती आणि जीवनाचे रंग दर्शवणाऱ्या स्थानिक कलाकृतीदेखील यात आहेत. कुठे जलरंग तर कुठे पोस्टर कलर्समधल्या चित्रकृती! आधुनिक चित्रांमधून प्रतिकांच्या माध्यमातून गहन विचार व्यक्त केले आहेत. कला प्रदर्शनात एकूण 284 कलाकृती आहेत.
यंदा ललित कला अकादमीच्या राष्ट्रीय पुरस्कारांनी गौरवण्यात आलेल्या सर्व १५ कलाकृतीदेखील या प्रदर्शनात आहेत. या कलाकृतींचे विषय बघितले तरी, आधुनिक कलाविष्कारांचे व्यापक आणि सखोल दर्शन आपल्याला घडेल. या कलाप्रदर्शनात रसिकांना उदयोन्मुख कलाकारांना भेटण्याची, देशभरातील कलाकृतींचा संगम बघण्याची संधी मिळते आहे. ज्येष्ठ आणि पुरस्कारप्राप्त कलाकारांशी संवाद साधता येतो आहे. मुंबई आणि महाराष्ट्रातील नागरिकांच्या मनात ललित कलांविषयी आकर्षण आणि आस्था निर्माण करणारा हा मंच आहे.
कला प्रदर्शन आणि मेळ्याच्या निमित्ताने यापरिसरात रोज संध्याकाळी संगीत, नाटक, नृत्य आणि काव्यगायनासारखे सांस्कृतिक कार्यक्रमही आयोजित करण्यात आले आहेत.”
“शाळा–महाविद्यालयांच्या परीक्षांच्या पार्श्वभूमीवर निर्णय
केएचएल न्यूज ब्युरो
[email protected]
ललित कला अकादमीच्या मुंबईत सुरू असलेल्या साठाव्या राष्ट्रीय प्रदर्शनाची मुदत 8 एप्रिलवरून 16 एप्रिल 2019 पर्यंत वाढवण्यात आली आहे. सध्या उन्हाळा आणि परीक्षांचे दिवस, यामुळे अनेक विद्यार्थी तसेच सर्वसामान्य नागरिक इच्छा असूनही प्रदर्शन बघायला येऊ शकत नाहीत. 25 मार्चपासून सुरू असलेले हे प्रदर्शन आणि कला मेळ्याचे रसिकांकडून कौतुक होत आहे, हळूहळू प्रदर्शन बघायला येणाऱ्या लोकांची संख्या वाढत आहे, हे लक्षात घेऊन आम्ही सर जे. जे. स्कूल ऑफ आर्ट्सच्या इमारतीत सुरू असलेल्या या प्रदर्शनाची मुदत 16 एप्रिलपर्यंत वाढवण्याचा निर्णय घेतला, अशी माहिती ललित कला अकादमीचे अध्यक्ष डॉ. उत्तम पाचारणे यांनी सांगितले. परीक्षा संपल्यानंतर विद्यार्थी मोठ्या संख्येने हे प्रदर्शन बघायला येतील, अशी अपेक्षाही पाचारणे यांनी व्यक्त केली.
अनेक वर्षांनी मुंबईला ह्या कला प्रदर्शनाचे यजमानपद मिळाले आहे. सर जे. जे. स्कूल ऑफ आर्ट्समध्ये सरू असलेल्या या प्रदर्शनातून ललित कला क्षेत्रातील उदयोन्मुख कलाकारांना नाव, कीर्ती आणि पैसा मिळवून देणारे एक मोठे व्यासपीठ आहे. तसेच, ललित कलांना सर्वसामान्य लोकांपर्यत पोहोचवण्याचे एक माध्यम आहे. कला मेळ्यात एकूण 120 स्टॉल आहेत ज्यात पेंटिंग्ज, मूर्तीकला, मिश्र माध्यम याच्यासह अनेक माध्यमांतील कलांचे सादरीकरण आहे. विविध प्रदेशांच्या पारंपरिक चित्रशैली, स्थानिक प्रदेशातील संस्कृती आणि जीवनाचे रंग दर्शवणाऱ्या स्थानिक कलाकृतीदेखील यात आहेत. कुठे जलरंग तर कुठे पोस्टर कलर्समधल्या चित्रकृती! आधुनिक चित्रांमधून प्रतिकांच्या माध्यमातून गहन विचार व्यक्त केले आहेत. कला प्रदर्शनात एकूण 284 कलाकृती आहेत.
यंदा ललित कला अकादमीच्या राष्ट्रीय पुरस्कारांनी गौरवण्यात आलेल्या सर्व १५ कलाकृतीदेखील या प्रदर्शनात आहेत. या कलाकृतींचे विषय बघितले तरी, आधुनिक कलाविष्कारांचे व्यापक आणि सखोल दर्शन आपल्याला घडेल. या कलाप्रदर्शनात रसिकांना उदयोन्मुख कलाकारांना भेटण्याची, देशभरातील कलाकृतींचा संगम बघण्याची संधी मिळते आहे. ज्येष्ठ आणि पुरस्कारप्राप्त कलाकारांशी संवाद साधता येतो आहे. मुंबई आणि महाराष्ट्रातील नागरिकांच्या मनात ललित कलांविषयी आकर्षण आणि आस्था निर्माण करणारा हा मंच आहे.
कला प्रदर्शन आणि मेळ्याच्या निमित्ताने यापरिसरात रोज संध्याकाळी संगीत, नाटक, नृत्य आणि काव्यगायनासारखे सांस्कृतिक कार्यक्रमही आयोजित करण्यात आले आहेत.”
