Details
डॉ. विजया वाड यांच्या 143 व्या पुस्तकाचे प्रकाशन
01-Jul-2019
”
केएचएल न्यूज ब्युरो
[email protected]
ज्येष्ठ साहित्यिका डॉ. विजया वाड यांच्या 143 व्या `भेट’ या पुस्तकाचे प्रकाशन त्यांच्या कन्या, सुप्रसिद्ध अभिनेत्री डॉ. निशिगंधा वाड यांच्या हस्ते मुंबईच्या भांडुपमधील राजारामशेट विद्यालय, खिंडीपाडा येथे करण्यात आले.
या गोड बालकादंबरीच्या प्रकाशनासाठी विद्यार्थी, पालक व शिक्षकांनी एकच गर्दी केली होती. अध्यक्षस्थानी डॉ. रमेश खानविलकर होते. विवेक प्रकाशनची ही भेट असून गोळे व शीतल खोत याप्रसंगी उपस्थित होते. या बालकादंबरीत आई-बाबा वेगळे झालेल्या मुलांची भावपूर्ण कथा आहे. शिक्षिका मुलांची नाजूक अवस्था पाहून भारावतात. माया उचंबळून येते नि सोमणबाई हे घर परत एकत्र आणतात. आजुबाजूच्या किशोरावस्थेतील मुलांची जशी अशा अवस्थेत घालमेल होईल, तशीच कादंबरीतील यश आणि आरतीचीही होते. बालदोस्त खूश होतील, असा विश्वास डॉ. विजया वाड यांनी यावेळी व्यक्त केला. डॉ. निशिगंधा वाड यांनी, ही बालकादंबरी वाचून मन कसे सुसंस्कारित होते, त्याची सुंदर उदाहरणे दिली. भगवान गौतम बुद्ध नि त्यांचा शिष्य यांच्यातील एक गोड गोष्टदेखील सांगून जीवनात प्रत्येक क्षण नि चीज याचा सदुपयोग करण्याचा पाठच दिला.
विजयाबाईंनी घर ही सुंदर कविता मुलांसोबत गायली. गोळे आणि खानोलकर सर यांनी आई-वडिलांवर प्रेम करा नि घर आनंदी ठेवा, असा भावपूर्ण सल्ला दिला. इतक्या पावसातही हॉल भरगच्च होता हे विशेष. भांडुपच्या नगरसेविकाही यावेळी उपस्थित होत्या.”
“केएचएल न्यूज ब्युरो
[email protected]
ज्येष्ठ साहित्यिका डॉ. विजया वाड यांच्या 143 व्या `भेट’ या पुस्तकाचे प्रकाशन त्यांच्या कन्या, सुप्रसिद्ध अभिनेत्री डॉ. निशिगंधा वाड यांच्या हस्ते मुंबईच्या भांडुपमधील राजारामशेट विद्यालय, खिंडीपाडा येथे करण्यात आले.
या गोड बालकादंबरीच्या प्रकाशनासाठी विद्यार्थी, पालक व शिक्षकांनी एकच गर्दी केली होती. अध्यक्षस्थानी डॉ. रमेश खानविलकर होते. विवेक प्रकाशनची ही भेट असून गोळे व शीतल खोत याप्रसंगी उपस्थित होते. या बालकादंबरीत आई-बाबा वेगळे झालेल्या मुलांची भावपूर्ण कथा आहे. शिक्षिका मुलांची नाजूक अवस्था पाहून भारावतात. माया उचंबळून येते नि सोमणबाई हे घर परत एकत्र आणतात. आजुबाजूच्या किशोरावस्थेतील मुलांची जशी अशा अवस्थेत घालमेल होईल, तशीच कादंबरीतील यश आणि आरतीचीही होते. बालदोस्त खूश होतील, असा विश्वास डॉ. विजया वाड यांनी यावेळी व्यक्त केला. डॉ. निशिगंधा वाड यांनी, ही बालकादंबरी वाचून मन कसे सुसंस्कारित होते, त्याची सुंदर उदाहरणे दिली. भगवान गौतम बुद्ध नि त्यांचा शिष्य यांच्यातील एक गोड गोष्टदेखील सांगून जीवनात प्रत्येक क्षण नि चीज याचा सदुपयोग करण्याचा पाठच दिला.
विजयाबाईंनी घर ही सुंदर कविता मुलांसोबत गायली. गोळे आणि खानोलकर सर यांनी आई-वडिलांवर प्रेम करा नि घर आनंदी ठेवा, असा भावपूर्ण सल्ला दिला. इतक्या पावसातही हॉल भरगच्च होता हे विशेष. भांडुपच्या नगरसेविकाही यावेळी उपस्थित होत्या.”
