Details
तुम्हाला जाणवतंय का?
09-Oct-2019
”
भगवान निळे..
ज्येष्ठ पत्रकार
कवितेच्या परिभाषेत तुम्ही सर्व सुखी असलात तरी तुम्हाला जाणवतंय का?
हल्ली झाडंही मनासारखी डुलत नाहीत
पाखरांचा चिवचिवाटही कमी झालाय..
फुलं फुलतात पण हसत नाहीत
वासरं बिलगत नाहीत, गाई हंबरत नाहीत..
नद्या विसरल्यात अवखळपणा
जमिनीनं सोडून दिलीय लाज..
स्वच्छ निळंभोर आकाश पाहून वर्षं उलटलीत
चंद्र जास्तच थंड अन सूर्य अधिक उग्र झालाय..
चांदण्या भीतभीतच मिचकावताहेत डोळे
इमारतींचे उडत चाललेत रंग
झोपडपट्ट्याही सुस्तावल्यात
रस्ते नुसतेच पडून आहेत..
समुद्र माघार घेतल्यासारखा हटतोय मागे मागे
पाऊस येतंच नाही
आला की सर्वकाही धुऊन जातोय..
अंधाराच्या वाटेनं अदृश्य होऊ लागलीत स्वप्नं
पुस्तकाच्या पानासारखे पालटताहेत दिवस
सर्वच काही बदलत चाललंय तुमच्या मनाविरूद्ध..
विनाशाची वाट राजमार्ग बनलीय नि
जगणं अधिकच मुश्किल होऊ लागल्यानं
वाढू लागलीय
मंदिर, मस्जिद, चर्च, विहारांमध्ये गर्दी..
प्रत्येकजण गुंतलाय तयार करण्यात
आकाशापर्यंत जाणारी एक एक शिडी.
तुम्हाला जाणवतंय का?
तुम्ही तुमच्यातच हरवत चाललाय
अन्
तुम्हाला ऐकू येत नाही तुमच्या आतला आवाज!
”
भगवान निळे..
ज्येष्ठ पत्रकार
कवितेच्या परिभाषेत तुम्ही सर्व सुखी असलात तरी तुम्हाला जाणवतंय का?
हल्ली झाडंही मनासारखी डुलत नाहीत
पाखरांचा चिवचिवाटही कमी झालाय..
फुलं फुलतात पण हसत नाहीत
“वासरं बिलगत नाहीत, गाई हंबरत नाहीत.. ”
नद्या विसरल्यात अवखळपणा
जमिनीनं सोडून दिलीय लाज..
स्वच्छ निळंभोर आकाश पाहून वर्षं उलटलीत
चंद्र जास्तच थंड अन सूर्य अधिक उग्र झालाय..
चांदण्या भीतभीतच मिचकावताहेत डोळे
इमारतींचे उडत चाललेत रंग
झोपडपट्ट्याही सुस्तावल्यात
रस्ते नुसतेच पडून आहेत..
समुद्र माघार घेतल्यासारखा हटतोय मागे मागे
पाऊस येतंच नाही
आला की सर्वकाही धुऊन जातोय..
अंधाराच्या वाटेनं अदृश्य होऊ लागलीत स्वप्नं
पुस्तकाच्या पानासारखे पालटताहेत दिवस
सर्वच काही बदलत चाललंय तुमच्या मनाविरूद्ध..
विनाशाची वाट राजमार्ग बनलीय नि
जगणं अधिकच मुश्किल होऊ लागल्यानं
वाढू लागलीय
“मंदिर, मस्जिद, चर्च, विहारांमध्ये गर्दी..”
प्रत्येकजण गुंतलाय तयार करण्यात
आकाशापर्यंत जाणारी एक एक शिडी.
तुम्हाला जाणवतंय का?
तुम्ही तुमच्यातच हरवत चाललाय
अन्
तुम्हाला ऐकू येत नाही तुमच्या आतला आवाज!
जाणवतंय का?पाऊसस्वच्छ निळंभोर आकाशझाडंपाखरांचा चिवचिवाटमंदिरमस्जिदचर्चविहार
