Details
“सालाबादप्रमाणे ठाणे जिल्हा ब्रीज असोसिएशन व आर्य क्रीडा मंडळ यांच्या संयुक्त विद्यमाने राज्यस्तरीय ब्रीज स्पर्धेचे आयोजन करण्यात आले आहे. दि. २८ व २९ डिसेंबर २०१९ रोजी आर्य क्रीडा मंडळ, ठाणे येथे ही स्पर्धा होणार आहे. सदर स्पर्धा टीम ऑफ फोर तसेच पेअर्स पद्धतीने खेळविण्यात येणार आहे. या स्पर्धेत ठाणे, मुंबई, नाशिक, रत्नागिरी, सोलापूर, सांगली जिल्ह्यातील संघ तसेच आंतरराष्ट्रीय कीर्तीचे खेळाडू या स्पर्धेत सहभागी होणार आहेत.”
“स्पर्धेचे उद्घाटन शनिवार दि. २८ डिसेंबर रोजी दुपारी आर्य क्रीडा मंडळाचे अध्यक्ष डॉ. रविंद्र रणदिवे यांच्या हस्ते होणार आहे. या स्पर्धेतील विजेत्यांना आकर्षक बक्षिसे दिली जाणार आहेत. या स्पर्धेत सहभागी होणाऱ्या खेळाडू व प्रतिनिधींच्या चहा, नाश्ता व भोजनाचीही आयोजकांतर्फे व्यवस्था केली आहे. स्पर्धेतील विजेत्या संघाला जिल्हा ब्रीज असोसिएशन तर्फे मामा वैद्य चषक व रोख पारितोषिक तर विजेत्या पेअरला मोहन गुप्ते चषक व रोख पारितोषिक देण्यात येणार आहे. स्पर्धेत अधिकाधिक खेळाडू व संघांनी सहभागी होऊन स्पर्धा यशस्वी करण्याचे आवाहन आयोजकांनी केले आहे.”
स्पर्धेचे डायरेक्टर म्हणून सुकृत विजयकर तर राज्य प्रतिनिधी म्हणून हेमंत पांडे काम पाहणार आहेत. अधिक माहितीसाठी अनिरूद्ध संझगिरी ९८१९२६७४५७ तसेच दक्षिणदास ९००४०२२०८२ यांच्याशी संपर्क साधण्याचे आवाहन आयोजकांतर्फे करण्यात आले आहे.
