Details
केएचएल न्यूज ब्युरो
“सालाबादप्रमाणे ठाणे जिल्हा ब्रीज असोसिएशन व आर्य क्रीडा मंडळ यांच्या संयुक्त विद्यमाने राज्यस्तरीय ब्रीज स्पर्धा दि. २८ व २९ डिसेंबर २०१९ रोजी आर्य क्रीडा मंडळ, ठाणे येथे पार पडली. या स्पर्धेत ठाणे, मुंबई, नाशिक, रत्नागिरी, सोलापूर, सांगली जिल्ह्यातील संघ तसेच आंतरराष्ट्रीय कीर्तीचे खेळाडू या स्पर्धेत सहभागी झाले होते. स्पर्धेचे उद्घाटन शनिवार दि. २८ डिसेंबर रोजी दुपारी आर्य क्रीडा मंडळाचे अध्यक्ष डॉ. रविंद्र रणदिवे यांच्या हस्ते करण्यात आले.”
या स्पर्धेत टीम ऑफ फोर गटात मान्यवर ब्रीज क्लब विजेते ठरले असून मामा वैद्य चषक व रोख पारितोषिक देण्यात आले. ठाणे जिल्हा ब्रीज असोसिएशन दुसरा तर आमनोरा क्लबने तिसऱ्या क्रमांकाचे पारितोषिक पटकावले. पेअर्स गटात राजू गुळवणी आणि धाक्रस यांनी बाजी मारली त्यांना मोहन गुप्ते स्मृती चषक व रोख पारितोषिक पटकावले. या स्पर्धेत पेअर्स प्रकारात अवघ्या वर्षे वयाच्या तीर्थराज याने उत्कृष्ट खेळ करत सगळ्यांचे लक्ष वेधले. सुकृत विजयकर स्पर्धेचे डायरेक्टर म्हणून काम पाहिले. ही स्पर्धा यशस्वी होण्याकरिता आर्य क्रीडा मंडळ तसेच इतर अनेकांचे सहकार्य लाभले.
