आयुष्मान भारतमधील घोटाळ्यांविरुद्ध कृत्रिम बुद्धिमत्तेचा वापर!

आयुष्मान भारत-पंतप्रधान जन आरोग्य योजनेअंतर्गत (एबी-पीएमजेएवाय) होऊ शकणारे संशयास्पद व्यवहार/ घोटाळ्यांच्या शक्यता तपासण्यासाठी केंद्र सरकार कृत्रिम बुद्धीमत्ता (एआय) तसेच मशीन लर्निंग या तंत्रज्ञानांचा वापर करत आहे. सदर योजनेच्या अंमलबजावणीदरम्यान आरोग्यसुविधांच्या बाबतीत होणाऱ्या फसवणुकीला आळा घालणे, त्यांचा शोध तसेच प्रतिबंध यासाठी या तंत्रज्ञानांचा वापर केला जात असून पात्र लाभार्थ्यांना योग्य उपचार मिळण्याची खात्री बाळगण्यासाठी त्यांची मोठी मदत होत आहे. एआय/एमएल चा वापर करून फसवणूकविरोधी उपाययोजनांची आखणी  तसेच त्यांचा वापर यासाठी तंत्रज्ञान क्षेत्रातील भागीदारांना नियुक्त करण्यात आले आहे.

दिनांक 1 ऑगस्ट 2023 रोजी प्राप्त माहितीनुसार, या योजनेअंतर्गत एकूण 24.33 कोटी आयुष्मान भारत कार्डांचे वितरण करण्यात आले आहे. महाराष्ट्र राज्यात आतापर्यंत 97,76,594 आयुष्मान भारत कार्डे जारी करण्यात आली आहेत. या योजनेतून जारी करण्यात आलेल्या एकूण आयुष्मान भारत कार्डांचा राज्य/ केंद्रशासित प्रदेशनिहाय तपशील पुढीलप्रमाणे आहे.

एबी-पीएमजेएवाय योजनेअंतर्गत जारी करण्यात आलेल्या आयुष्मान भारत कार्डांचा राज्य / केंद्रशासित प्रदेश निहाय तपशील

टीप: दिल्ली, ओदिशा आणि पश्चिम बंगाल ही राज्ये/केंद्रशासित प्रदेश एबी-पीएमजेएवाय योजनेची अंमलबजावणी करत नाहीत. केंद्रीय आरोग्य आणि कुटुंब कल्याण राज्यमंत्री प्रा. एस. पी. बघेल यांनी राज्यसभेत लिखित उत्तराद्वारे ही माहिती दिली.