निवृत्तीवेतन निधी नियामक आणि विकास प्राधिकरण (पीएफआरडीए) चे अध्यक्ष डॉ. दीपक मोहंती यांनी राष्ट्रीय निवृत्तीवेतन प्रणाली ट्रस्टच्या सुधारित संकेतस्थळाचे नुकतेच अनावरण केले. पीएफआरडीएचे पूर्ण वेळ सदस्य प्रा. मनोज आनंद आणि ममता शंकर, राष्ट्रीय निवृत्तीवेतन योजना ट्रस्टचे अध्यक्ष सूरज भान हे देखील यावेळी उपस्थित होते.
नवीन संकेतस्थळ https://npstrust.org.in एनपीएस ट्रस्टच्या वापरकर्त्याचा अनुभव समृद्ध करण्याच्या आणि राष्ट्रीय निवृत्तीवेतन प्रणाली (एनपीएस) आणि अटल पेन्शन योजना (एपीवाय) शी संबंधित माहितीचा अखंड प्रवेश प्रदान करण्याच्या वचनबद्धतेमध्ये महत्वाचा टप्पा आहे.
नवीन संकेतस्थळाची रचना आकर्षक माहितीपूर्ण असून डेस्कटॉप आणि मोबाइल दोन्ही उपकरणांसाठी ती उपयुक्त आहे.
संकेतस्थळ हिंदीमध्येही उपलब्ध करून देण्यात आले आहे.
एनपीएस ट्रस्ट आपल्या हितधारकांना सर्वोत्तम अनुभव देण्यासाठी त्याच्या सेवा आणि डिजिटल उपक्रमांमध्ये आणखी वाढ करण्यासाठी वचनबद्ध आहे.
