Friday, July 12, 2024
Homeमुंबई स्पेशलगरजू वैद्यकीय विद्यार्थांना...

गरजू वैद्यकीय विद्यार्थांना मिळणार ५ लाखांची मदत

मुंबईतल्या लोकमान्य सर्वसाधारण रुग्णालय तसेच रोटरी क्लब ऑफ सायनच्या माध्यमातून येत्या २७ जूनला गरजू व मागास प्रवर्गातील वैद्यकीय शिक्षण घेणाऱ्या दहा विद्यार्थ्यांना ५ लाख रूपयांची मदत करण्यात येणार आहे. वैद्यकीय महाविद्यालयाच्या एका शिक्षकाच्या मुलीकडून ही मदत देण्यात येणार आहे. विद्यार्थ्यांना ही मदत योग्य वेळेत मिळावी यासाठी समाजविकास अधिकारी स्मिता नगारे यांनी गेल्या दोन महिन्यांपासून अथक मेहनत घेतली आहे.

लोकमान्य टिळक वैद्यकीय महाविद्यालय आणि लोकमान्य टिळक सर्वसाधारण रूग्णालय यांच्या संयुक्त विद्यमाने गरजू व विविध आजारग्रस्त विद्यार्थ्यांसाठी मदतीचा हात पुढे केला आहे. कर्करोग, थॕलेसेमिया, बोन मॕरो ट्रान्सप्लांट यासारख्या आजारग्रस्त विद्यार्थी आणि गरीब रूग्णांच्या २५० मुले विद्यार्थ्यांना शालोपयोगी साहित्याचे वितरण काल करण्यात आले. समाजातील विविध दानशूर व्यक्तींनी या उपक्रमास हातभार लावल्याने शालेय वर्षाच्या सुरूवातीला विद्यार्थ्यांना या उपक्रमाच्या माध्यमातून एक चांगला मदतीचा हात मिळाला. विद्यार्थ्यांना पुस्तके, वह्या, लिखाणासाठी साहित्य, कंपास बॉक्स, पेन अशा विविध वस्तूंचा पुरवठा या उपक्रमातून करण्यात आला.

महानगरपालिका आयुक्त तथा प्रशासक भूषण गगराणी आणि अतिरिक्त महानगरपालिका आयुक्त (पश्चिम उपनगरे) डॉ. सुधाकर शिंदे यांच्या मार्गदर्शनाखाली असे विविध समाजोपयोगी उपक्रम राबविले जात आहेत. आणखी एका कार्यक्रमात कर्करोगाचा सक्षमपणे आणि सातत्याने पाच वर्षांहून अधिक कालावधीसाठी मुकाबला करणार्‍या रूग्णांचा गौरव करण्यात आला. या रूग्णांनी पाच वर्षांपेक्षा जास्त काळ केमोथेरपी घेत कर्करोगाविरूद्ध लढा कायम ठेवला आहे. या रूग्णांना उपचारासाठी सर्वतोपरी सहकार्य करण्यात येत आहे, अशी माहिती लोकमान्य टिळक सर्वसाधारण रूग्णालयाचे अधिष्ठाता डॉ. मोहन जोशी यांनी दिली.

 

Continue reading

महाराष्ट्रातल्या आमदारांचे उपराष्ट्रपतींनी टोचले कान!

उच्च लोकशाही परंपरा, नैतिक मूल्य याबद्दल खूप काही बोलले जाते. त्याचे पालन करण्याची जबाबदारी संसदीय लोकशाहीवर विश्वास असणाऱ्या प्रत्येकाची आहे. सभागृहातील वागण्याबोलण्यातून ती दिसली पाहिजे. सभागृहाबाहेर असणाऱ्या प्रत्येकाचे लक्ष येथील घडामोडींवर असते. त्यामुळे प्रत्येक सदस्याने आणि राजकीय पक्षानेही नैतिकता पाळली...

डेंग्यूला रोखण्यासाठी घाला शरीर पूर्णपणे झाकणारी वस्त्रे

डेंग्यू पसरवणाऱ्या सामान्यपणे  दिवसा चावणाऱ्या एडीस डासांबाबत समाजाला जागरूक करण्यासाठी, शाळेत जाणाऱ्या मुले आणि इतरांसाठी शरीर पूर्णपणे झाकून ठेवणारे कपडे घालण्याबाबत जनजागृती मोहीम राबवली जाईल तसेच पाणी साठवण्याची विविध भांडी आणि इतर भांड्यांमध्ये साठून राहणाऱ्या अस्वच्छ पाण्यापासून मुक्त ठेवण्याचे...

मुंबई कोस्टल रोडचा आणखी एक टप्पा सुरू

मुंबई कोस्टल रोड म्हणजेच धर्मवीर, स्वराज्यरक्षक छत्रपती संभाजी महाराज मुंबई किनारी रस्ता (दक्षिण) प्रकल्पातील हाजी अली ते खान अब्दुल गफार खान मार्गापर्यंत प्रवासाला उपयुक्त ठरणारा टप्पा आज सकाळी ७ वाजल्यापासून तात्पुरत्या स्वरुपात खुला झाला आहे. किनारी रस्ता प्रकल्पातील हाजी...
error: Content is protected !!