Details
विविध लोककलांचे दर्शन घडविणारा `गजर माय मराठी’
01-Jul-2019
”
विविध लोककलांचे दर्शन घडविणारा कार्यक्रम `गजर माय मराठीचा’ विलेपार्ले येथील दीनानाथ मंगेशकर नाट्यगृहात नुकताच सादर झाला. या कार्यक्रमाची निर्मिती विजय तावडे व सुहास भागवत यांनी केली. प्रमुख अतिथी नितीन तिवारी तसेच संपादिका, प्रकाशिका, लेखिका, लता गुठे, लेखक अभिनेते प्रकाश राणे व इतर मान्यवर यावेळी उपस्थित होते.
ख्यातनाम शाहीर नंदेश उमप यांच्या आवाजातील पोवाड्याने रसिकांना मंत्रमुग्ध केले. या कार्यक्रमाचे संगीत संयोजन संदीप डावरे यांनी अप्रतिम केले.
नृत्यदिग्दर्शक शशिकांत जाधव यांच्या मार्गदर्शनाखाली महाराष्ट्रातील विविध लोककलांचे दर्शन झाले. त्यामध्ये कोळीनृत्य, शेतकरी भारूड, वासुदेवाची गाणी, जात्यावरील ओव्या तसेच मंगळागौर व अशाच अनेक कार्यक्रमाचे सुरेख पद्धतीने आयोजन केले होते. यामध्ये खास आकर्षण होते ते लावणीचे. सुप्रसिद्ध लावणी कलाकार आकांक्षा कदम, मेघाश्री महिंद्रकर, वैशाली गोखले, रूपाली पाटील, विकास कदम, प्राजक्ता माहुलकर व इतर कलाकारांनी हा कार्यक्रम अतिशय उंचीवर नेऊन ठेवला.
कार्यक्रमाचे सुमधुर सूत्रसंचालन केले होते तुषार सावंत यांनी. नृत्य दिग्दर्शक शशिकांत जाधव यांनी अनेक लोककलातून महाराष्ट्रातील सांस्कृतिक व पारंपरिक कलांचे मोहक दर्शन घडविले. संकल्पना जयेश तावडे यांची होती. संयोजक अरविंद सांगळे होते. वेगवेगळ्या क्षेत्रातील अनेक मान्यवर या कार्यक्रमासाठी आवर्जून उपस्थित होते.”
“विविध लोककलांचे दर्शन घडविणारा कार्यक्रम `गजर माय मराठीचा’ विलेपार्ले येथील दीनानाथ मंगेशकर नाट्यगृहात नुकताच सादर झाला. या कार्यक्रमाची निर्मिती विजय तावडे व सुहास भागवत यांनी केली. प्रमुख अतिथी नितीन तिवारी तसेच संपादिका, प्रकाशिका, लेखिका, लता गुठे, लेखक अभिनेते प्रकाश राणे व इतर मान्यवर यावेळी उपस्थित होते.
ख्यातनाम शाहीर नंदेश उमप यांच्या आवाजातील पोवाड्याने रसिकांना मंत्रमुग्ध केले. या कार्यक्रमाचे संगीत संयोजन संदीप डावरे यांनी अप्रतिम केले.
नृत्यदिग्दर्शक शशिकांत जाधव यांच्या मार्गदर्शनाखाली महाराष्ट्रातील विविध लोककलांचे दर्शन झाले. त्यामध्ये कोळीनृत्य, शेतकरी भारूड, वासुदेवाची गाणी, जात्यावरील ओव्या तसेच मंगळागौर व अशाच अनेक कार्यक्रमाचे सुरेख पद्धतीने आयोजन केले होते. यामध्ये खास आकर्षण होते ते लावणीचे. सुप्रसिद्ध लावणी कलाकार आकांक्षा कदम, मेघाश्री महिंद्रकर, वैशाली गोखले, रूपाली पाटील, विकास कदम, प्राजक्ता माहुलकर व इतर कलाकारांनी हा कार्यक्रम अतिशय उंचीवर नेऊन ठेवला.
कार्यक्रमाचे सुमधुर सूत्रसंचालन केले होते तुषार सावंत यांनी. नृत्य दिग्दर्शक शशिकांत जाधव यांनी अनेक लोककलातून महाराष्ट्रातील सांस्कृतिक व पारंपरिक कलांचे मोहक दर्शन घडविले. संकल्पना जयेश तावडे यांची होती. संयोजक अरविंद सांगळे होते. वेगवेगळ्या क्षेत्रातील अनेक मान्यवर या कार्यक्रमासाठी आवर्जून उपस्थित होते.”
