Details
केएचएल न्युज ब्युरो
hegdekiran17@gmail.com
मागील आठवड्यात चांगला परफॉर्मन्स दाखवणाऱ्या भारतीय शेअर बाजाराने सोमवारी मात्र फारशी चांगली कामगिरी केली नाही. सेन्सेक्स 1.5 टक्क्यांनी आणि ४६९ अंकांनी गडगडला तर एनएसईमध्ये निफ्टी ५० देखील १.३% नी घसरला व ९ हजार अंकांवर थांबला. कोरोना व्हायरसमुळे लॉकडाऊन वाढले असताना तसेच देशांतर्गत रूग्णांची संख्या वाढत असल्यामुळे मार्केटचा कलही प्रभावित होत असल्याचे मत एंजल ब्रोकिंग लिमिटेडचे प्रमुख सल्लागार अमर देव सिंह यांनी व्यक्त केले.
“बीएसईचे ३० स्टॉक बेंचमार्क निर्देशांकात आज फक्त ७ स्टॉक्समध्ये प्रगती झाली. यात एल अँड टी, इंडसइंड बँक, अल्ट्राटेक सिमेंट, एनटीपीसी आणि सन फार्मा यांचा समावेश आहे. भारती एअरटेल आणि एशियन पेंट्ससारख्या स्टॉक्सनी नुकत्याच झालेल्या सुधारणेनंतर अनुक्रमे ४.६४% आणि १.६३% ची वाढ घेतली. निफ्टी ५० मध्ये २० शेअर्समध्ये प्रगती तर ३० शेअर्समध्ये घसरण दिसून आली. उपरोक्त शेअर्सव्यतिरिक्त हिंडाल्को इंडस्ट्रीज, अदानी पोर्ट्स एसईझेड आणि कोल इंडिया यांनी आज वाढ अनुभवली. डॉ. रेड्डीज लॅबदेखील ३.८२%च्या वृद्धीच्या मार्गावर होती. मार्च महिन्यातील नीचांकीच्या तुलनेत हा स्टॉक ४०%हून अधिक आहे.”
