Details
राज्यपाल नि मुख्यमंत्र्यांच्या भेटीला एअर मार्शल अरोरा!
01-Jul-2019
”
विनय गजानन खरे, ज्येष्ठ पत्रकार
[email protected]
राज्यपाल सी. विद्यासागर राव नि मुख्यमंत्री देवेंद्र फडणवीस यांची भेट घेऊन या भागातील हवाई तयारीबद्दलची माहिती देत इतर प्रश्नांवर दक्षिण पश्चिम विभागाचे हवाई दल प्रमुख एअर मार्शल एच. एस. अरोरा यांनी नुकतीच चर्चा केली.
अरोरा आपल्या तीन दिवसांच्या भेटीवर आले असता त्यांनी मुंबई नि लगतच्या परिसरातील हवाई आस्थापनांची भेट घेऊन आढावा घेतला. त्याचबरोबर नौदलाच्या व्हॉईस ऍडमिरल अजित कुमार यांच्याशीही चर्चा केली. आपल्या दौऱ्यात हरजित सिंह अरोरा यांनी मुंबईतील हवाईदल तळांना भेट दिली. यात आरमारी हवाई तळ, ए. एफ. एस. मुंबई तळ, ठाणे, कान्हेरी हिल्स यांचा समावेश आहे. त्यांच्या पत्नी नि हवाई दल पत्नी संघटनेच्या अध्यक्षा बलजीत अरोरा समवेत होत्या. २० ते २२ जून या तीन दिवसांच्या दौऱ्यात त्यांना जाणवलेल्या महाराष्ट्र भागातील हवाई प्रश्नांबाबत राज्यपाल, मुख्यमंत्री यांना त्यांनी अवगत केले. कोणतीही घटना घडल्यास मानवी मदत नि आपत्ती निवारणार्थ सर्वतोपरी सहकार्य करण्याची ग्वाही त्यांनी यावेळी दिली.
पश्चिम नौदलाच्या व्हॉईस ऍडमिरल अजित कुमार यांच्या भेटीत पश्चिम विभागाने मानवंदना देऊन स्वागत केले. त्यांनी पुढील कामांविषयी चर्चा करीत पश्चिम किनारपट्टी परिसरातील एकत्रित मोहिमा नि उपाययोजनांची देवाणघेवाण केली. मुंबई हवाईदलाच्या कार्याविषयी नि तयारीबाबत एअर मार्शल अरोरा यांना स्थानिक अधिकाऱ्यांनी माहिती दिली. प्रत्येक तळ नि कामाविषयी माहिती घेताना अरोरा यांनी अधिकारी जवानांनी केलेल्या कामगिरीचे कौतुक करीत पाठ थोपटली आणि तळाच्या सुरक्षेसाठी अधिक जागरूक राहून कार्य करण्याचे आवाहन केले.
हवाई दलाच्या जवानांच्या पत्नीसाठी सुरू असलेल्या कामांचा आढावा घेत बलजीत अरोरा यांनी समाधान व्यक्त केले. जवानांना प्रोत्साहन देण्यासाठी घराकडे आपणही लक्ष दिले तर ते निर्धास्तपणे सेवा देतील असे त्या म्हणाल्या. त्यांनी हवाईदल संचालित शाळांना भेट देऊन या संघटनेची इतर कामं जाणून घेतली. शारीरिक व्यंगत्वावर मात करीत शिकणाऱ्या ठाण्यातील ‘जिद्द’ शाळेच्या मुलांना त्यांनी उपयोगी खेळणी भेट दिली. दरम्यान, ठाण्यातील कोलशेत हवाई तळाच्या भेटीवेळी गुरूवारी दुपारी वाहतूक रोखून धरण्याविषयी कोणीही अधिकारी भाष्य करण्यास तयार नव्हता. काही भाग वगळून इतर भागात लष्करी अधिकाऱ्यांसाठी स्थानिक वाहतूक रोखू नयेत असे स्पष्ट आदेश असताना ते डावलण्यात आले.”
“विनय गजानन खरे, ज्येष्ठ पत्रकार
[email protected]
राज्यपाल सी. विद्यासागर राव नि मुख्यमंत्री देवेंद्र फडणवीस यांची भेट घेऊन या भागातील हवाई तयारीबद्दलची माहिती देत इतर प्रश्नांवर दक्षिण पश्चिम विभागाचे हवाई दल प्रमुख एअर मार्शल एच. एस. अरोरा यांनी नुकतीच चर्चा केली.
अरोरा आपल्या तीन दिवसांच्या भेटीवर आले असता त्यांनी मुंबई नि लगतच्या परिसरातील हवाई आस्थापनांची भेट घेऊन आढावा घेतला. त्याचबरोबर नौदलाच्या व्हॉईस ऍडमिरल अजित कुमार यांच्याशीही चर्चा केली. आपल्या दौऱ्यात हरजित सिंह अरोरा यांनी मुंबईतील हवाईदल तळांना भेट दिली. यात आरमारी हवाई तळ, ए. एफ. एस. मुंबई तळ, ठाणे, कान्हेरी हिल्स यांचा समावेश आहे. त्यांच्या पत्नी नि हवाई दल पत्नी संघटनेच्या अध्यक्षा बलजीत अरोरा समवेत होत्या. २० ते २२ जून या तीन दिवसांच्या दौऱ्यात त्यांना जाणवलेल्या महाराष्ट्र भागातील हवाई प्रश्नांबाबत राज्यपाल, मुख्यमंत्री यांना त्यांनी अवगत केले. कोणतीही घटना घडल्यास मानवी मदत नि आपत्ती निवारणार्थ सर्वतोपरी सहकार्य करण्याची ग्वाही त्यांनी यावेळी दिली.
पश्चिम नौदलाच्या व्हॉईस ऍडमिरल अजित कुमार यांच्या भेटीत पश्चिम विभागाने मानवंदना देऊन स्वागत केले. त्यांनी पुढील कामांविषयी चर्चा करीत पश्चिम किनारपट्टी परिसरातील एकत्रित मोहिमा नि उपाययोजनांची देवाणघेवाण केली. मुंबई हवाईदलाच्या कार्याविषयी नि तयारीबाबत एअर मार्शल अरोरा यांना स्थानिक अधिकाऱ्यांनी माहिती दिली. प्रत्येक तळ नि कामाविषयी माहिती घेताना अरोरा यांनी अधिकारी जवानांनी केलेल्या कामगिरीचे कौतुक करीत पाठ थोपटली आणि तळाच्या सुरक्षेसाठी अधिक जागरूक राहून कार्य करण्याचे आवाहन केले.
हवाई दलाच्या जवानांच्या पत्नीसाठी सुरू असलेल्या कामांचा आढावा घेत बलजीत अरोरा यांनी समाधान व्यक्त केले. जवानांना प्रोत्साहन देण्यासाठी घराकडे आपणही लक्ष दिले तर ते निर्धास्तपणे सेवा देतील असे त्या म्हणाल्या. त्यांनी हवाईदल संचालित शाळांना भेट देऊन या संघटनेची इतर कामं जाणून घेतली. शारीरिक व्यंगत्वावर मात करीत शिकणाऱ्या ठाण्यातील ‘जिद्द’ शाळेच्या मुलांना त्यांनी उपयोगी खेळणी भेट दिली. दरम्यान, ठाण्यातील कोलशेत हवाई तळाच्या भेटीवेळी गुरूवारी दुपारी वाहतूक रोखून धरण्याविषयी कोणीही अधिकारी भाष्य करण्यास तयार नव्हता. काही भाग वगळून इतर भागात लष्करी अधिकाऱ्यांसाठी स्थानिक वाहतूक रोखू नयेत असे स्पष्ट आदेश असताना ते डावलण्यात आले.”
