Details
केएचएल न्यूज ब्युरो
“सीकेपी सोशल क्लब, सीकेपी ज्ञाती समाज व ठाणे जिल्हा ब्रीज असोसिएशन यांच्या संयुक्त विद्यमाने राज्यस्तरीय ब्रीज स्पर्धेचे आयोजन करण्यात आले आहे. ही स्पर्धा दि. २० ऑक्टोबर २०१९ रोजी सीकेपी हॉल, खारकर आळी, ठाणे येथे होणार आहे. सदर स्पर्धा टीम ऑफ फॉर तसेच पेअर्स पद्धतीने खेळविण्यात येणार आहे. या स्पर्धेतील विजेत्यांना रोख पारितोषिके देण्यात येणार आहेत. या स्पर्धेचे उद्घाटन ठाणे जिल्हा ब्रीज असोसिएशनचे अध्यक्ष डॉ. म्हसकर यांच्या हस्ते होणार आहे.”
“या स्पर्धा सीकेपी हॉल, ठाणे येथे नियमित होत होत्या. मात्र सीकेपी हॉलचे नूतनीकरण तसेच अन्य काही अपरिहार्य कारणांमुळे घेता आल्या नाहीत. परंतु आता नूतनीकरण झालेल्या हॉलमध्ये या स्पर्धा संपन्न होणार आहेत. या स्पर्धेत मुंबई, पुणे, सोलापूर, नाशिक येथील संघ सहभागी होणार आहेत.”
“एशियाड ऑलिम्पिक स्पर्धेत भारताचे प्रतिनिधीत्व करून कांस्यपदक पटकावणारे राजू तोलानी व अजय खरे यांच्यासह अनेक आंतरराष्ट्रीय खेळाडू या स्पर्धेत सहभागी होणार आहेत. या स्पर्धेत सहभागी होणाऱ्या खेळाडू व प्रतिनिधींच्या चहा, नाश्ता व भोजनाचीही व्यवस्था केली आहे. अधिक माहितीसाठी अनिरूद्ध संझगिरी – ९८१९२६७४५७ तसेच दक्षिणदास – ९००४०२२०८२ तसेच सीकेपी क्लबचे उदय राजे – ९८१९१५०८६४ यांच्याशी संपर्क साधण्याचे आवाहन आयोजकांतर्फे करण्यात आले आहे.”
