Details
hegdekiran17@gmail.com
लॉकडाऊनदरम्यान घरातील उपकरणे बंद पडल्यास ग्राहकांकडे त्यांच्या दुरूस्तीची सोय उपलब्ध नाही आणि यामुळेच त्यांना विविध अडचणींचा सामना करावा लागत आहे. ग्राहकांची होणारी ही गैरसोय लक्षात घेऊन २४७ अराऊंड या अग्रगण्य उपकरण सेवा पुरवठादार कंपनीने राष्ट्रीय व्हिडिओ हेल्पलाइन सुरू केली आहे. याद्वारे कंपनीचे घरून काम करणारे तंत्रज्ञ ग्राहकांना व्हॉट्स एप तसेच गूगल मीट व्हिडिओद्वारे मदतीसाठी तत्काळ उपलब्ध असतील. उपकरणांच्या दुरूस्तीकरिता ते ग्राहकांना मार्गदर्शन करतील. ही सुविधा विनामूल्य असून ग्राहकांना ९५५५०००२४७ या क्रमांकावर संपर्क साधून या सुविधेचा लाभ घेता येईल.
“लॉकडाऊन असल्यामुळे बिघडलेली उपकरणे दुरूस्त करण्यासाठी बाहेर नेणे शक्य नाही तसेच तंत्रज्ञही घरी येऊ शकत नाहीत. त्यामुळे २४७ अराऊंडची ही सुविधा ग्राहकांकरिता उपयुक्त ठरत आहे. कंपनीचे तंत्रज्ञ (टेक्निशिअन्स) उच्च प्रतीचे कौशल्यप्राप्त, अनुभवी आणि तंत्राचे दुरून निदान करण्यात प्रशिक्षित आहेत. या तंत्रज्ञांच्या साहाय्याने ग्राहकांना रेफ्रिजरेटर, वॉटर प्युरिफायर्स, एसी, वॉशिंग मशीन, गॅस बर्नर इत्यादी उपकरणे दुरूस्त करण्याकरिता ऑनलाईन मार्गदर्शन केले जाईल.”
“या सुविधेमागील उद्द्येश स्पष्ट करताना २४७ अराऊंडचे सीईओ आणि सहसंस्थापक नितीन मल्होत्रा म्हणाले की, या क्षेत्राला दर ३० दिवसांत २५ दशलक्ष इलेक्ट्रॉनिक उत्पादने दुरूस्त करण्याची मागणी असते. त्यामुळे सध्या अनेक लोक त्रस्त आहेत. यापैकी गॅस बर्नर, वॉटर प्युरिफायर, एसी, वॉशिंग मशीन आणि डिशवॉशर ही लोकप्रिय उपकरणे आम्ही ऑनलाईन दुरूस्त करत आहोत. व्हिडिओद्वारे दुरूस्तीचे प्रमाण सध्या २५ ते ३० टक्के आहे. आम्ही काही प्रमाणात ग्राहकांची अडचण दूर करण्यात सक्षम ठरत आहोत याचे आम्हाला समाधान आहे.”
