बिग बॉस मराठीच्या घरामध्ये जय आणि स्नेहा बरीच मज्जामस्ती करतात, खेळाबद्दलही बोलतात, घरामध्ये कोण कसं वागत आहे, त्याबद्दलही त्यांची चर्चा होतच असते. आजही जय स्नेहाला सोनालीबद्दल काहीतरी सांगताना दिसणार आहे.
जय स्नेहाला म्हणतो, सोनाली जरी विरुद्ध टीममध्ये असली तरीही मी सोनालीला कधीच सांगत नाही की, विशालसोबत नको, माझ्यासोबत खेळ. तिने आजही मला सांगावं. मी तिला फक्त एकच सांगतो की, सोनाली तू दिसत नाहीये, मागे आहेस.. मग ते ग्रुपमध्ये असो वा गेममध्ये असो. स्वत:वर विश्वास पाहिजे. कोई रहे ना रहे साथ…हम खंबीर है.. असं पाहिजे. म्हणून मी डॉक्टरला (उत्कर्षला) म्हणतो- आपण दोघे जरी असलो ना.. तरी आपण भरपूर आहोत. विचार नका करू चार जणच पाहिजे..
स्नेहा म्हणते- “तसाच मीही विचार करते. मी एकटी जरी असले ना.. तरी भरपूर आहे. त्यावर जय म्हणतो, मलाही काऊंट करत जा तुझ्यासोबत. मला टीममध्ये घेशील तुझ्या? अशी का करतेस? नकोय का तुला मी तुझ्या टीममध्ये…?” स्नेहा म्हणते, माझी टीमच नाहीये… जय म्हणतो.. आपण टीम बनून जाऊ…
बिग बॉसच्या घरात सदस्यांची बरीच धम्मालमस्ती सुरू असते. कधी गाण्यांच्या भेंड्या, कधी डमशराज तर कधी गायनाची मैफलही रंगते. आज उत्कर्ष, गायत्री, मीरा आणि तृप्तीताईंची घरात धम्मालमस्ती सुरू आहे.
गायत्री तृप्तीताईंना म्हणते- सासूबाई हे पीठ ओतताना सांडत आहे माझ्याकडून… त्यावर ताई म्हणतात, ठीक आहे शिकते आहे न तू, सांडू दे… गायत्री म्हणते “तुम्हीसुध्दा सांडता आहात सासूबाई. तृप्तीताई म्हणतात- मी तुला एक नियम शिकवते.. म्हणजे पद्धत… गायत्री म्हणते, संचालकाला नियम बनवणे allowed नसते… आणि त्या दोघींचे मजेदार संभाषण सुरू होते.
उत्कर्ष त्यावर कविता बनवतो.. “सासू-सुनेचे भांडण… सुनबाई फटकळ तोंडानं, सासू-सुनेला मारायला धावते… कडाडून सूनबाई सासुला चावते… बघूया आता अजून कायकाय घडतं ते.. आज रात्री.. बिग बॉस मराठीत… कलर्स मराठीवर..
